Nomena Ahy ny fahefana rehetra any an-danitra sy ety an-tany.
Ry Kristianina havana, faly sy ravo isika mianakavy amin'izao andro ankalazantsika ny fiakaran'ny Tompo izao satria nisy havantsika tafita. Rehefa misy havantsika tafita na eo amin'ny fanadinana na eo amin'ny fiainana dia mifampiarahaba isika. Ka androany olo araiky amintsika, iray lio amintsika, iray rà amintsika no tafita ka mifampiarahaba satria tafita i Jesoa lohan'ny Eglizy ary isika no Eglizy fianakaviamben'Andriamanitra, Olo Araiky amintsika. Niakatra any an-danitra i Jesoa, any izany no hitoerantsika rehetra. Efapolo andro izao no nihiboka ny Apostoly. Isika koa na tsy nihiboka aza dia miatrika krizy mafy na eran-tany na eto amintsika.....[......]
FANDALINAM-PINOANA / TORITENY
FANKALAZANA NY FIAKARAN'NY TOMPO - ASCENSION 2026
ALAHADY FAHA-6 FANKALAZANA NY PAKA - TAONA A2026
Tsy havelako ho kamboty ianareo, fa hankaty aminareo aho
Ry Kristianina havana, efa herinandro maromaro isika no nivelona ny hafalian'ny Paka na dia ao anatin’izao vanim-potoan’ny krizy izao aza satria tsy ny krizy no faran-teny fa I Kristy nandresy ny ratsy, Alpha sy Omega araka ny hitantsika amin’ny Jiron’ny Paka. Mitohy hatrany diantsika satria I Jesoa Lalana sy Fahamarinana ary Fiainana nobanjinintsika tamin’ny alahady lasa teo dia miara-dalana amintsika tokoa, mpiara-belona amintsika eto anivontsika mamelona. Andriamanitra Famindram-po tokoa izy ka matoky isika fa ho resy tanteraka ny ratsy. Noho izany na dia eo aza izao sedra izao dia manenika ny fiainantsika ny hafalian’ny Paka vokatry ny fiadanan’I Kristy.....[....]
ALAHADY FAHA-5 FANKALAZANA NY PAKA - TAONA A2026
« Izaho no làlana sy fahamarinana ary fiainana; tsy misy olona mankany amin’ny Ray afa-tsy amin’ny alalako » (Jo. 14: 6)
Ry Kristianina havana, matetika isika eo amin'ny fiainantsika no very hevitra noho ny zava-misy, mety sahiran-tsaina tokoa hoy ny fiteny ka manontany tena hoe : mbola misy ve izao Andriamanitra izao, aiza ny lalan-kombàna, aiza ny hiafarana ? Very fanahy mbola velona isika matetika. Ary raha misy fotoana tena hivolagnantsika izany dia izao krizy izao ka samy manontany tena ho tafita ve isika sa ho rendrika ka hijaly bebe kokoa …. Ary ny tena mafy ao anatin’izao “maizina” izao dia ny mifanome tsiny ary mifanaratsy mihitsy azy….[......]
ALAHADY FAHA-4 FANKALAZANA NY PAKA - TAONA A2026
« Lazaiko marina dia marina aminareo fa izaho no varavaran’ny ondry »
Ry Kristianina havana, Alahady fahaefatra amin'ny Paka anio ka mahatsiaro manokana an'i Jesoa mpiandry ondry tsara isika, Izy ilay mpiara-belona amintsika, eo anivontsika. Tsy lavitra antsika i Jesoa izay nitsangan-ko velona. Miara-dalana amintsika Izy. Aoka hahatsapa izany bebe kokoa isika amin’izao Sinaody izao. Izany hoe miara-dalana amintsika Jesoa Mpiara-belona mba hivelomantsika indray NY VOKASIONTSIKA ARAKA NY NAHARIAN’ANDRIAMANITRA ANTSIKA HATRAMIN’NY VOALOHANY, izany hoe ny maha endrik’Andriamanitra antsika ka hanavao indray ny fifandraisana efa potika dia ny fifandraisana amin’ny zava-boary, amintsika samy isika eo anivon’ny fiaraha-monina ary amin’Andriamanitra.......[......]
ALAHADY FAHA-3 FANKALAZANA NY PAKA - TAONA A2026
« Dia mba notantarain’izy ireo kosa ny zavatra niseho taminy teny an-dàlana sy ny
nahafantarany azy tamin’ny famakiana ny mofo"
Ry Kristianina havana, tena mbola ao anatin'ny hafalian'ny Paka tokoa isika ka asiantsika Aleloia ny fiainana, izany hoe araka ny dikany hoe Aleloia “miderà ny Tompo” dia fenointsika fiderana sy fihobiana an’I Jesoa Nandresy ny fiainantsika na dia maro aza ny sedra sy mangidy satria tsy Andriamanitra lavitra ny Andriamanitsika fa Andriamanitra miara-dàlana amintsika i Jesoa nitsangan-ko velona, mpiara-belona amintsika. Izy no làlana sy fahamarinana ary fiainana. Izany no foto-kevitra tian’ny Eglizy tsapantsika amin’izao Alahady fahtelo amin’ny Paka izao. Tena mbola ao anatin’ny fahasahiranana isika miatriaka izao “ady lehibe mitsitoko izao”.......[.......]
