FANDALINAM-PINOANA / TORITENY

“Mitsangàna, ary mandehàna, fa ny finoanao no nahavonjy anao”.

Ry Kristianina havana ao anatin’ny volana oktobra izay ibanjinantsika manokana ny maha-misionera antsika sy ny maha-iraka antsika isika. Vita batemy aho ka irahina ho vavolombelona eo anivon’ny mpiara-belona. Ny volana oktobra no ibanjinantsika koa amin’ny alalan’ny fanaovana ny raozery ny misterin’ny famonjena antsika iarahana amin’i Masina Maria. Izany no maha-misionera antsika, manorina EOV sy ETA ka manitatra ny fanjakan’Andriamanitra amin’ny alalan’ny fitoriana ny Vaovao mahafaly izay mahatonga antsika Kristianina, ho Kristy mpiara-belona amin’ireo manodidina antsika ka ho génération mpanorina. Amin’izao ady sady dia mitondra antsika amin’ny fankalazana ny faha-70 taonan’ny niorenan’ny diosezy ankalazantsika mandritra ny fanantanterahantsika ny Sinaody faha-7 fijanonana faha-3 (troisième session) izao ao anatin’ny taon-jobilin’ny fanavotana antsika izao dia hiezaka isika isam-pianakaviana Eglizy kely hivavaka hanao Raozery ary hamerin-kaja indray ny andro sabotsy andron’ny fianakaviana......[.....]

Tsindrio eto hihaino ny toriteny

NY OLONA MANAM-PINOANA TSY MIANDRY VALISOA EO NO HO EO

Ry Kristianina havana raha tamin’ny Alahady lasa teo isika dia niezaka mba hahalala bebe kokoa ny fampitrahofana ny finoana sy ny fiainana andavanandro. Ny harena, hoy isika, dia ny fiainana izay ho entina hizarana, hifanasoavana amin’ny hafa fa tsy tokony ho vato misakana ka raha tonga ilay andro farany dia tsy afaka hivavaka intsony isika araka ny fanoharana tamin’ny evanjely tamin’ny Alahady lasa teo : nisy elanelana, nisy hantsana ka tsy afaka handeha amin’ny toerana misy ny fiadanana intsony isika ary izay no mahatonga antsika mamerimberina hoe, niany ny hoavy fa tsy amaray (anio ny ho avy fa tsy rahampitso).....[....]

Tsindrio eto hihaino ny toriteny

Ry olon’Andriamanitra, katsaho ny fahamarinana, ny fahazotoa-mivavaka, ny finoana, ny fitiavana,
ny faharetana, ny fahalemem-panahy

Ry kristianina havana, nandinika manokana araky ny fampianaran’ny Eglizy ny mikasika ny harena isika tamin’ny Alahady lasa teo, tsy ny harena no ratsy ary anisan’ireo tsy maintsy katsahina izy. Ny tsara tsy maintsy tsipihina eto dia avy aiza io harena io? Fomba ahoana ny fampiasaina azy? Ary toe-panahy ahoana no entina mivelona satria raha ny harena no zary Andriamanitra dia tsy mifanaraka amin’ny fampianaran’ny Eglizy. Raha lainga sy fitapitaka ary risoriso no nanangonana harena dia tsy azo ekena. Raha entinao hanilikilihana ny hafa dia tsy azo eken’ny ny Eglizy ihany koa. Raha fintinina dia tsy maintsy atao mifanaraka amin’ny fampianaran’ny Eglizy sy sitrak’Andriamanitra ny fomba nahazoana ny harena, ny fomba hampiasana ny harena ary ny tanjona ho tratrarina amin’ny harena.....[.......]

Tsindrio eto hihaino ny toriteny

Tsy mahay manompo an’Andriamanitra sy ny harena ianareo”.

Ry kristianina havana, nifanojo amin’ny alahady ny 14 septambra fankalazana ny nanandratana ny hazofijaliana ka nanararaotantsika hibanjinana manokana ny Lakroa Masina. Fa amin'izao Alahady faha-25 mandavantaona izao dia mananatra antsika ny tenin'Andriamanitra aroson'ny Eglizy ho sakafom-panahy hamelombelona ny finoantsika hahafahantsika hahay hampitraotra ny finoana sy ny fiainana andavanandro ka hivahatra amin’ny Lakroa ny fiainantsika hametraka safidy matotra.....[......]

Tsindrio eto hihaino ny toriteny

"Tahaka ny nanandratan'i Moizy ny bibilava tany an'efitra no tsy maintsy anandratana ny zanak'olona...."

Ry Kristianina havana,raha ny marina dia tokony alahady faha-24 mandavantaona anio nefa noho ny 14 septambra izay ankalazan'ny Eglizy ny fanandratana ny Lakroa Masina dia ny Lakroa Masina no ankalazaina. Ny mahavariana araka ny averimberintsika matetika tsy misy kisendrasendra ao amin’Andriamanitra dia mifanojo amin’ny alahady ny fankalazana amin’izao taon-jobilin’ny Fanavotana izao. Fantatsika tsara ny anjara toeran’ny Lakroa Masina,ny hazofijalian'i Kristy amin’izany fanavotana antsika izany. Teo i Jesoa no nanolotra ny ainy hanavotana antsika. Izy ilay tsy nanota nanaiky ho fahotana hanavotra antsika ary teo amin’ny Lakroa. Tsara ihany ny manamarika fa feno 70 taona anio ihany koa ny nanambara ho diosezy antsika niaraka amin’ireto diosezy ireto dia Antananarivo, Antsiranana, Morondava, Antsirabe, Mahajanga, Ambanja, Fianarantsoa, Miarinarivo, Tolagnaro, Tamatave... Tsy afanina amintsika koa fa anio no feno 70 taona ihany koa ny Papa Léon faha XIV... izany rehetra izany no mampisaotra an’Andriamanitra....[......]

Tsindrio eto hihaino ny toriteny