FANDALINAM-PINOANA / TORITENY

Na iza na iza tsy mahafoy izay rehetra ananany dia tsy mendrika ho mpianatro.

Ry kristianina havana, raha tamin'ny Alahady lasa teo nampisongadina fa raha te-hiditra ho anisan'ny fianakaviamben'Andriamanitra isika, ho olo araiky ao aminy ho Fratelli Tutti ka Mpiray Tampo ao Aminy dia tsy maintsy manahaka an'i Jesoa, Izy izay Andriamanitra dia nanaiky nanetry tena nidina farany ambany hoy Md Paoly ao amin'ny taratasy ho an'ny Filipiana. Natitranterintsika fa tsy maintsy manana fanetren-tena sy halemem-panahy ary fahatsorana isika ary izany no fanahafana an'i Kristy.
Amin'izao Alahady faha-23 mandavantaona izao dia miombona amin'ireo any Roma miatrika ny fanambarana ho Olomasina an’i Carlo Acutis sy Pier Giorgio Frassati isika, noraisin’i Papa François ho modely sy mpivavaka ho an’ny tanora amin’izao taon-jobily izao.....[....]

Tsindrio eto hihaino ny toriteny

Izay manandra-tena no haetry, ary izay manetry tena no hasandratra.

Ry kristianina havana, tamin'ny Alahady lasa teo Alahady faha-21 dia natintraterin'i Kristy amintsika fa tsy maintsy miditra amin'ny varavarana ety, tery isika raha te-hiditra ho anisan’ny fianakaviamben'Andriamanitra, ho olo araiky ao amin'Andriamanitra. Araka ny antintranterintsika fa ny safidy no ambaran'i Jesoa amin'izany varavarana ety tsy maintsy hidirantsika izany. Mila toetra manokana izany hahatonga antsika ho Olo Araiky ao amin'ny Trinité masina. Izany koa ry Kristianina havana amin'izao Alahady faha-22 mandavantaona izao .....[....]

Tsindrio eto hihaino ny toriteny

Hisy olona avy any Atsinanana sy avy any Andrefana hipetraka hihinana eo amin’ny Fanjakan’Andriamanitra.

Ry kristianina havana, raha tamin'ny herinandro lasa isika nandinika sy nibanjina an'i Masina Maria nampakarina vatana sy fanahy any an-danitra ary any tokoa no toerana iombonantsika dia olo araiky amin'ny Trinité Masina tokoa isika. Ary tamin’ny alahady faha-20 lasa teo isika niara-nisaotra an’Andriamanitra tamin’ny fanamasinana pretra. Mivavaka ho azy ireo hatrany isika. Tadidintsika ny foto-kevitra nanentana antsika tamin’izany: mila safidy ny fiainana ary tsy vitan’ny safidy fa mila fola-kevitra manatanteraka izay safidy izay eo amin’ny fiainana andavanandro raha te-hahita fivelarana marina....[...]

Tsindrio eto hihaino ny toriteny

Mangataha, dia homena ianareo; mitadiava,dia hahita; mandondona, dia hovohaina

Ry kristianina havana, tsara ny manamarika fa izao alahady faran’ny volana jolay izao no natokan’I Papa François ho andro hahatsiarovana ny ZokiOlona.  Isaky ny alahady fahaefatra amin’ny volana jolay no ankalazana azy, akaiky amin’ny 26 jolay, mba hifandray amin’ny fetin’i Md Joakima sy Anna, Ray amandrenin’i Masina Maria. Ny tanjona amin’izany dia mba hahay hankasitraka ny anjara toeran’ny zokiolona amin’ny fiaraha-monina sy ny Eglizy isika, hampifandray amin’ny tanora sy ny fianakaviana ny zokiolona, hampahatsiahy fa anisan’ny asa masina ny mikarakara azy ireo sy mihaino azy ireo.....[....]

Tsindrio eto  hihaino ny toriteny

Nandray Azy tao an-tranony i Marta, fa i Maria kosa no nifidy ny anjara soa indrindra.

Ry kristianina havana, raha tamin'ny Alahady lasa teo nandinika, nandalina sy nibanjina ny tena votoatin'ny fiainantsika isika fa indrindra amin'izao fandalinam-pinoana mandavantaona ataontsika izao dia ny fitiavana izay nasongadintsika tsara fa tsy sentosento ary lavitra ny fihatsaram-belatsihy fa mila fahafoizana, mitondra amin’ny fanompoana, niseho tamin’ny fitsaboana notanterahin’ilay Samaritana nikarakara an'ilay maratra ary tsy iza io Samaritana io fa i Jesoa izay nitondra tany amin’ny tranom-bahiny ary nilaza tamin'ny tompon-trano mba hikarakara ilay marary. Azo lazaina fa raha nanao izany I Jesoa dia manolotra amintsika amin’ny Eglizy. Isika izao io tompon-trano io, isika no irahin’I Jesoa tsy maintsy mikolokolo fa indrindra amin’izao andro sarotra izao...[.....]

Tsindrio eto hihaino ny toriteny