FANDALINAM-PINOANA / TORITENY

“NY FIALONANA MANDRAVA FITIAVANA, NY FANETREN-TENA AHAVITANA SOA”

Ry kristianina havana malala, araka ny fanantenana natao tamintsika dia ho fivelomana ny vokatry ny KEN 2024 dia tohizantsika amin’izao taona pastoraly manomboka ny SINAODY FIJANONANA FAHA-3 dia ny FIANAKAVIANA EGLIZY KELY MIFANASOA SY MIFAMPITSIMBINA MIKATSAKA NY SOA IOMBONANA. Ho tonga any amintsika tsy ho ela ny torolalana na lineamenta entintsika mikatroka madinika azy. Manantena antsika jiaby hiatrika ny Sinaody.
Fa anisan’ny fivelomanana an’izany koa ny fankalazana aty Anivorano. Feno 70 taonan’ny batemy voalohany teto. Izany indrindra no nodinihin’izy ireo nandritra ny taona : “Nataonao inona ny bateminao?” Miankina amin’ny valintenintsika mitambatra sy isaky fikambanana sy firohotana ary asam-baomiera no hahafantarana fa efa latsa-paka ny finoana. Izany hoe tsy finoana entim-pahazarana intsony fa finoana velona latsa-paka. Isika eto Anivorano no afaka mamaly an’izany ary isika eto amin’ny diosezy ihany koa?.....[.......]

Tsindrio eto hihaino ny toriteny

Avy ao Jesoa sy ny mpianany, dia nankany amin'ny vohitra manodidina an'i Sezarean'i Filipo, ary teny an-dàlana dia nanontany ny mpianany izy nanao hoe: Ataon'ny olona ho iza moa aho?

Ry Kristianina havana malala, manohy hatrany ny diantsika isika vokatry ny KEN. Tamin’ny alahady lasa teo tany Vohémar no niara-nisaotra an’Andriamanitra isika satria eo anivontsika tokoa Andriamanitra ary miantso antsika Izy hanohy ny asany. Manambara izany fa mitohy hatrany ny vanim-potoana hirosoantsika amin’ny « départ vaovao » ao anatin’ny Pantekoty Vaovao, omban’ny Fahasoavan’Andriamanitra amin’izao SINAODY izao. Anisan’izany fahasoavana raisintsika ny fametrahana an’I Mompera Rédemporista nialoha lalana miandry ny fitsanganan-ko velona ao amin’ny fasana vaovao niaraka tamin’ny voadin’ireo zandriny, zanany. Izany no manaporofo fa Olo Araiky ao amin’Andriamanitra Isika Jiaby araka ny fiekem-pinoana ataontsika « Izaho mino ny fiombonan’ny Olomasina… ». Ataoko fa mazava amintsika tsara amin’izao ny dikan’ny litanian’ny Olomasina amin’ny fanamasinana sy amin’ny voady....[....]

Tsindrio eto hihaino ny toriteny

“« Tsara avokoa ny zavatra rehetra nataony, fa nampalady ny marenina Izy sy nampiteny ny moana » (Mk. 7: 37)“

Ry Kristianina havana, anio alahady faha-8 n'ny volana septambra, septambra volana ibanjinana manokana ny tontolo iainana araka ny hafatry ny Papa "Manantena ary miasa miaraka amin'ny zava-boary". Ezaka mitohy ataontsika miaraka amin’ny diosezy maitso. Manentana antsika jiaby hiaro sy hikolokolo ny tontolo iainana.
Vita iny ny KEN 2024. Miara-misaotra an’Andriamanitra fa nanampy antsika hivelona bebe kokoa nymahakristianina antsika ary indrindra amin’izao taom-bavaka izao manomana ny taon-jobilin’ny famonjena ka hahatonga antsika ho “MPIVAHININ’NY FANANTENANA MIVELONA NY FIAINANA EOKARISTIKA MAHAFOY MANOMPO AO ANATIN’NY FAHAMARINANA......[.......]

Tsindrio eto hihaino ny toriteny

“Tsy ny zavatra avy any ivelany miditra ao anatin’ny olona no mahaloto azy, fa izay mivoaka avy ao anatin’ny olona no mahaloto azy » (Mk. 7: 15) “

Ry Kristianina havana, nofaranantsika tamin’ny Alahady faha-21 tsotra mandavantaona lasa teo ny fandalinana ny evanjelin’i Md Joany toko faha-6 izay azo lazaina ho fandalinana mikasika ny Eokaristia miainga avy aimn’ny famantarana nataon’i Jesoa tamin’ny fampitomboana ny mofo ka nanambarany fa Izy tokoa no Mofon’aina mahavelona sy Rà loharano mamelona antsika ka izay misotro ny ràny sy mihinana ny nofony dia hanana ny fiainana mandrakizay. Maro ny tafintohina araka ny voalazantsika : tao ireo vahoaka izay mijery ny zavatra manaitra ety ivelany, tao ihany koa ireo liana nihaino ny fampianarana fa tsy latsa-paka ka tafintohina, tao koa ireo Jody mifikitra amin’ny fomban-drazana, tao ihany koa ireo nilaza ho mpianatra satria efa nandray ny fampianaran’I Jesoa ; izy ireo no niaiky fa tsy mbola nisy olon-kendry mahay miteny toa azy, nefa nahatsapa fa tsy mahazaka ny fampianarany. I Piera sy ireo Apôstôly namany irery ihany no nisafidy sy natoky fa i Jesoa no tena Teny mahavelona. Tsy maintsy misafidy isika eo amin’ny fiainantsika raha hanaraka an’i Jesoa tanteraka ka mivelona izany Teny mahavelona izany....[..........]

Tsindrio eto hihaino ny toriteny

“Tompo ô, hankany amin’iza àry izahay? Ianao no manana ny teny fiainana mandrakizay ”.

Ry Kristianina havana, anio isika no mamarana ny KEN 2024. Maro ny zavatra azo lazaina fa azo fintinina hoe : MISAOTRA AN’ANDRIAMANITRA. Misaotra antsika EOV jiaby niara-nientana, tena Olo Araiky tokoa isika. Misaotra antsika Tolagana niara-nandray an-tanana. Misaotra anareo tompon’andraiki-panjakana manomboka amin’ny Prezidàn’ny Repoblika ka hatramin’ny tompon’andraikitra rehetra isan-tsokajiny eto anivon’ny Arsidiosezin’Antsiranana. Misaotra anareo Eveka Raiamandreny niara-nivavaka, nankalaza an’I Jesoa Fihavanana. Misaotra anareo vahiny avy any ivelany rehetra. Misaotra ny solontenan’ny Papa nanome ny tsodrano manokana avy amin’ny Papa. Misaotra anareo mpanao gazety nanome aina ny fankalazana ka afaka nivelona an’izany ireo tsy afaka nivahiny teto Antsiranana izay ambohim-pihaonana eokaristika: TENA ZARY VILLAGE EUCHARISTIQUE.....[....]

Tsindrio eto hihaino ny toriteny