FANDALINAM-PINOANA / TORITENY

18 novambra 2018 - ALAHADY FAHA 33 TSOTRA TAONA B

« Dia ho hita amin’izay ny Zanak’olona avy eo ambonin’ny rahona amin-kery lehibe sy voninahitra » (Mk. 13: 26)

tamin’ny Alahady  faha 32 mandavantaona lasa teo ny fampianarana azontsika dia ny hoe izay tia mahafoy, fototry ny fiainantsika sy ny maha zanak’Andriamanitra antsika ny fahafoizana, fototry ny maha Kristianina antsika ny fahafoizana eo amin’ny mpiara belona amintsika, fototry ny maha mpanorina antsika EOV sy ETA. Ao anatin’izao fiomanantsika amin’ny hasim-pinoana ary amin’izao Alahady izao mialoha ny fankalazana an’I Kristy mpanjaka no nofidin’ny Papa manokana ny Alahady faha 33 mandavantaona hahatsiarovana ny asa fanasoavana an’ireo mahantra. Indrisy fa mihamaro ny mahantra eto amintsika ka inty andro anio ity, izay andro hankalazantsika sy hirosoantsika bebe kokoa amin’ny asa fanasoavana an’ireo voahiliky ny fiaraha-monina.....[.......]

Tsindrio eto hihaino ny toriteny

11 novambra 2018 - ALAHADY FAHA 32 TSOTRA TAONA B

« Lazaiko marina aminareo fa io mpitondratena mahantra io no nandatsaka be indrindra tamin’izay rehetra nandatsaka tao amin’ny fandatsahan-drakitra » (Mk. 12: 43)

Ry Kristianina havana, raha tamin’ny Alahady lasa teo isika nandinika ny fitsipika volamena mba ialantsika amin’ilay fivavahana ety ivelany sy ny fanatanterahana fitsipika fotsiny izay nanomezan’i Jesoa tsiny an’ireo mpanora-dalàna sy farisiana tamin’ny fotoanandrony, amin’izao Alahady faha 32 mandavantaona izao dia miditra lalindalina amin’izany fandinihana ny fitsipika volamena izany isika. Nilaza i Jesoa “Mihainoa ry Israely, ny Tompo Andriamanintsika no Tompo Andriamanitra tokana ka tiavo ny Tompo Andriamanitrao amin’ny fonao, amin’ny fanahinao, amin’ny sainao ary herinao manontolo”, izany no didy voalohany, ny faharoa mitovy amin’izany : “Tiavo ny namanao tahaka ny tenanao” ....[.......]

04 novambra 2018 - ALAHADY FAHA 31 TSOTRA TAONA B

Izany no didy voalohany ary ny faharoa dia mitovy aminy ihany koa

Ry Kristianina havana, rehefa nandinika momba ny fiainan-ko avy isika tamin’ny fankalazana ny fetin’ny olomasina rehetra sy ny fibanjinantsika ireo havantsika nialoha làlana antsika tamin’ny 02 novambra teo, izao Alahady voalohany amin’ny volana novambra izao kosa, izay volana eo ny fiainam-pirenentsika Malagasy, dia atolotry ny Eglizy amintsika ny vakiteny telo izay azo lazaina fa mametraka ny fototra maha Kristianina antsika sy ny anjara toeran’ny fivavahana amin’ny fiainantsika andavanandro ary mifanaraka tsara amin’ny fehin-kevitra nasongadina tamin’ny filankevitra pastôraly nataontsika ka nametrahantsika ny hoe aoka ho taranaka mpanorina isika, ho Eglizy Olona Velona sy Eglizy Tranon’Andriamanitra isika. Izany indrindra no lohahevitra tian’ny Eglizy ho dinihantsika dia ny Fitiavana .....[.......]

 

01 novambra 2018 Fankalazana ireo olomasina

Ry Kristianina havana, amin’izao voalohan’ny volana novambra izao no ankalazan’ny Eglizy amin’ny fomba manetriketrika ireo olomasina rehetra. Ny antony dia tsotra ihany satria tsy izay voasoratra ao amin’ny kalandrie mahazatra antsika ihany no olomasina fa izay miombona amin’Andriamanitra nandritra ny fiainany ka izay niainany teto ihany koa no iainany any ankoatra ka miombom-piainana miaraka amin’ny anjely midera an’Andriamanitra ireo havantsika olomasina sady reharehantsika satria tody soa aman-tsara any izy no sady voninahitr’Andriamanitra ....[....]

28 oktobra 2018 - ALAHADY FAHA 30 TSOTRA TAONA B

  « Matokia! mitsangàna, fa antsoiny hianao » (Mk. 10, 49)

Ry Kristianina havana, izao Alahady izao no mamarana ny volana oktobra volan’ny raozery sy volan’ny misiona ka miaraka amin’i Masina Maria isika mitalaho ny fahasoavan’Andriamanitra handresy ny ratsy ka miroso amin’ny fiainam-baovao hahatonga antsika ho taranaka mpanorina tokoa.  Tahaka an’ilay jamba voalaza ao amin’ny Evanjely ny tontolom-piainansika sy ny tontolo iainantsika ary ny tontolom-pinoanatsika ka very fanahy mbola velona isika tsy hitantsika izay aleha. Niantso ilay jamba nikiaka sy nivavaka nanao tamin’i Jesoa hoe “ Ry Jesoa zanak’i Davida ô mamindra fo aminay”. Nositranin’i Jesoa ilay jamba “ Mandehana fa ny finoanao no nahavonjy anao”. Maniraka ansika mitsangana i Jesoa hijoro ho taranaka mpanorina tokoa .....[....]