FANDALINAM-PINOANA / TORITENY

“« Tsara avokoa ny zavatra rehetra nataony, fa nampalady ny marenina Izy sy nampiteny ny moana » (Mk. 7: 37)“

Ry Kristianina havana, anio alahady faha-8 n'ny volana septambra, septambra volana ibanjinana manokana ny tontolo iainana araka ny hafatry ny Papa "Manantena ary miasa miaraka amin'ny zava-boary". Ezaka mitohy ataontsika miaraka amin’ny diosezy maitso. Manentana antsika jiaby hiaro sy hikolokolo ny tontolo iainana.
Vita iny ny KEN 2024. Miara-misaotra an’Andriamanitra fa nanampy antsika hivelona bebe kokoa nymahakristianina antsika ary indrindra amin’izao taom-bavaka izao manomana ny taon-jobilin’ny famonjena ka hahatonga antsika ho “MPIVAHININ’NY FANANTENANA MIVELONA NY FIAINANA EOKARISTIKA MAHAFOY MANOMPO AO ANATIN’NY FAHAMARINANA......[.......]

Tsindrio eto hihaino ny toriteny

“Tsy ny zavatra avy any ivelany miditra ao anatin’ny olona no mahaloto azy, fa izay mivoaka avy ao anatin’ny olona no mahaloto azy » (Mk. 7: 15) “

Ry Kristianina havana, nofaranantsika tamin’ny Alahady faha-21 tsotra mandavantaona lasa teo ny fandalinana ny evanjelin’i Md Joany toko faha-6 izay azo lazaina ho fandalinana mikasika ny Eokaristia miainga avy aimn’ny famantarana nataon’i Jesoa tamin’ny fampitomboana ny mofo ka nanambarany fa Izy tokoa no Mofon’aina mahavelona sy Rà loharano mamelona antsika ka izay misotro ny ràny sy mihinana ny nofony dia hanana ny fiainana mandrakizay. Maro ny tafintohina araka ny voalazantsika : tao ireo vahoaka izay mijery ny zavatra manaitra ety ivelany, tao ihany koa ireo liana nihaino ny fampianarana fa tsy latsa-paka ka tafintohina, tao koa ireo Jody mifikitra amin’ny fomban-drazana, tao ihany koa ireo nilaza ho mpianatra satria efa nandray ny fampianaran’I Jesoa ; izy ireo no niaiky fa tsy mbola nisy olon-kendry mahay miteny toa azy, nefa nahatsapa fa tsy mahazaka ny fampianarany. I Piera sy ireo Apôstôly namany irery ihany no nisafidy sy natoky fa i Jesoa no tena Teny mahavelona. Tsy maintsy misafidy isika eo amin’ny fiainantsika raha hanaraka an’i Jesoa tanteraka ka mivelona izany Teny mahavelona izany....[..........]

Tsindrio eto hihaino ny toriteny

“Tompo ô, hankany amin’iza àry izahay? Ianao no manana ny teny fiainana mandrakizay ”.

Ry Kristianina havana, anio isika no mamarana ny KEN 2024. Maro ny zavatra azo lazaina fa azo fintinina hoe : MISAOTRA AN’ANDRIAMANITRA. Misaotra antsika EOV jiaby niara-nientana, tena Olo Araiky tokoa isika. Misaotra antsika Tolagana niara-nandray an-tanana. Misaotra anareo tompon’andraiki-panjakana manomboka amin’ny Prezidàn’ny Repoblika ka hatramin’ny tompon’andraikitra rehetra isan-tsokajiny eto anivon’ny Arsidiosezin’Antsiranana. Misaotra anareo Eveka Raiamandreny niara-nivavaka, nankalaza an’I Jesoa Fihavanana. Misaotra anareo vahiny avy any ivelany rehetra. Misaotra ny solontenan’ny Papa nanome ny tsodrano manokana avy amin’ny Papa. Misaotra anareo mpanao gazety nanome aina ny fankalazana ka afaka nivelona an’izany ireo tsy afaka nivahiny teto Antsiranana izay ambohim-pihaonana eokaristika: TENA ZARY VILLAGE EUCHARISTIQUE.....[....]

Tsindrio eto hihaino ny toriteny

Handatsaka mofo avy any an-danitra ho anareo Aho

Ry Kristianina havana, araka ny voalazantsika tamin’ny Alahady lasa teo raha nanomboka namaky ity toko faha-6 ity isika, toko faha-6 miresaka momba ny mofon’aina, ny Eokaristia dia tena sitrak’Andriamanitra tokoa ny hiara-dia amintsika amin’izao Kongresy Eokaristika Iombonan’ny Nosy KEN 2024. Miara-dalana tokoa isika amin’izao kongresy izao, amin’izao sinaody izao. Tsy irery isika fa miara-dalana amintsika i Kristy Fihavanana. Tsy miafina fa tsy mandeha ho azy ny fanatanterahana izao KEN 2024 izao. Maro ny asa loha. Tadidinareo ny teny averiko matetika: Ady sady dia ny fiainana. Ady amin’ny ratsy fa dia miroso amin’ny tsara kosa. Tandremo anefa sao diso ady atrehina isika . Ny ratsy no iadio fa tsy ny olona.
Henontsika ireo vakiteny atolotry ny Eglizy amin’izao Alahady tsotra mandavan-taona faha-18 izao. Maro no tsy mbola fola-kevitra mikasika ny fiainana eokaristika ary misy aza no mametraka fanontaniana. Noho izany aza gaga isika. Tsy zava-baovao izany zava-mitranga izany.....[.....]

Tsindrio eto hihaino ny toriteny

VELOMIN’ANDRIAMANITRA AMIN’NY MOFO AVY ANY AMINY ISIKA

Ry Kristianina havana, tamin’ny Alahady lasa teo Alahady tsotra faha-16 mandavantaona no niara-nivavaka isika ho an’ireo Masera CIM de Diego Suarez nanao voady hiombona mandrakizay amin’i Jesoa, hiombona anjaram-piainana aminy. Niara-nivavaka ihany koa isika ho an’ireo pretra nanomboka ny laretiretiny ary dia mamarana azy amin’izao. Izany rehetra izany dia mitondra antsika amin’ny volana Aogositra, volan’ny Kongresy Eokaristika Nasionaly (KEN 2024). Matetika aho no miteny tsy misy kisendrasendra fa tian’Andriamanitra anehoany amintsika tokoa ny sitrapony. Indro fa ny vakiteny mitondra antsika hatramin’ny KEN dia ny toko faha 6 ny Evanjelin’i Md Joany izay natokan’i Md Joany manolotra ny fampianarana mikasika ny Mofon’aina, Mofo Mahavelona dia ny Eokaristia.
Fahasoavana miampy fahasoavana izany ka anjarantsika ny manararaotra mandray azy ka mitondra antsika hanana fiainana eokaristika......[.......]

Tsindrio eto hihaino ny toriteny