FANDALINAM-PINOANA / TORITENY

Izaho no làlana sy fahamarinana ary fiainana; tsy misy olona mankany amin’ny Ray afa-tsy amin’ny alalako » (Jo. 14: 6)

Ry Kristianina havana, matetika isika eo amin'ny fiainantsika no very hevitra noho ny zava-misy, mety sahiran-tsaina tokoa ka manontany tena hoe : mbola misy ve izao Andriamanitra izao, aiza ny lalan-kombàna, aiza ny hiafarana ? Very fanahy mbola velona isika matetika. Ary raha misy fotoana tena hivolagnantsika fa indrindra miatrika izao krizy mafy ary maro lafy iatrehantsika izao ity dia ny hafatra sy fehin-kevitra navoakan’ny Vaomiera Episkopaly mikasika ny Justice et paix teo no mampisongadina an’izany.
Androany Alahady fahadimy amin'ny Paka dia abaribarin'ireo vakiteny fa ho an'izay mandray an'i Jesoa eo amin'ny fiainany dia Jesoa mpiara-belona, I Jesoa nitsangan-ko velona, nandresy ny ratsy ary anisan’izany ratsy izany izao krizy izao dia tsy mandeha irery izy fa miara-dalana aminy I Jesoa satria tsy Andriamanitra lavitra ny Andriamanintsika fa Andriamanitra lavitra no Andriamanitsika fa Andriamanitra miara-dalana amintsika......[........]

Tsindrio eto hihaino ny toriteny

« Lazaiko marina dia marina aminareo fa izaho no varavaran’ny ondry »

Ry Kristianina havana, Alahady fahaefatra amin'ny Paka anio ka mahatsiaro manokana an'i Jesoa mpiandry ondry tsara isika, Izy ilay mpiara-belona amintsika, eo anivontsika. Tsy lavitra antsika i Jesoa izay nitsangan-ko velona. Miara-dalana amintsika Izy. Aoka hahatsapa izany bebe kokoa isika amin’izao Sinaody izao. Izany hoe miara-dalana amintsika Jesoa Mpiara-belona mba hivelomantsika indray NY VOKASIONTSIKA ARAKA NY NAHARIAN’ANDRIAMANITRA ANTSIKA HATRAMIN’NY VOALOHANY, izany hoe ny maha endrik’Andriamanitra antsika ka hanavao indray ny fifandraisana efa potika dia ny fifandraisana amin’ny zava-boary, amintsika samy isika eo anivon’ny fiaraha-monina ary amin’Andriamanitra.
Noho izany, ezahin' ny Eglizy ny mampianatra sy mampita amintsika mandritra ny Alahady rehetra fankalazana ny vanim-potoanan'ny Paka amin'ny alalan'ny litorjia izay ankalazantsika ny finoana ny maha eo akaikintsika an'i Jesoa Kristy izay nitsangan-ko velona, amin’ny maha-Kristy miara-dalana amintsika......[.........]

Tsindrio eto hihaino ny toriteny

« Dia mba notantarain’izy ireo kosa ny zavatra niseho taminy teny andàlana sy ny nahafantarany azy tamin’ny famakiana ny mofo"

Ry Kristianina havana, tena mbola ao anatin'ny hafalian'ny Paka tokoa isika ka asiantsika Aleloia ny fiainana, izany hoe miara-dàlana amintsika i Jesoa nitsangan-ko velona, mpiara-belona amintsika.Izy no làlana sy fahamarinana ary fiainana. Eo anivon’ny fiainantsika miatrika krizy. Miara-dalana amintsika mamakivaky ny tontolom-piainantsika manahirana. Izany no ankalazaintsika amin'izao Alahady fahatelo amin’ny Paka izao. Ny Evanjely androany tokoa dia mitantara an’ireo
mpianatra roalahy avy tany Emaosy, avy any Jerosalema ilay tanàna masina. Tena maneho ny endriky ny fiainantsika ny
tantaran’ireo Mpianatra roalahy. Namakivaky ny Herinandro masina isika tamin'ny lohahevitra hoe :"miara-miditra amin'i Jesoa ao Jerosalema isika". Jerosalema
ilay tanàna masina sy fiadanana, ka raha miara-maty amin'i Jesoa tokoa isika amin'ny fahotana dia miara-mitsangana aminy ka handray ny fiadanana tena izy araka ny voalazany fa tsy ny fiadanana araky ny omen'izao tontolo izao. Mamakivaky ny fiainana miaraka amin'i Jesoa àry isika, mpiara-belona amintsika Izy, tsy lavitra Izy na lasa any an-danitra aza.......[.........]

Tsindrio eto hihaino ny toriteny

"Sambatra izay tsy nahita ka nino”.

Ry Kristianina havana, izao Alahady manaraka ny Paka izao no antsoina amin’ny teny latina hoe "Quasimodo". Mbola Paka ihany koa ho antsika satria ny Paka dia tsy inona fa i Kristy nitsangan-ko velona. Ity Alahady faharoan'ny Paka ity no andrenesantsika ny Evanjely mikasika an'i Md Tomà izay nanambara hoe "Tompoko sy Andriamanitro". Tahaka an’i Md Tomà isika tsirairay avy rehefa miaiky ny fahalementsika ka manaiky an'i Kristy sy miaina ny famindrampon'Andriamanitra.
Nantsoin'i Papa Md Joany Paoly II ho Alahadin’ny Famindram-pon’Andriamanitra ity Alahady faharoa amin’ny Paka ity nanomboka tamin'ny 30 aprily 2000, andro nananganana ho olomasina an'i Mb Faustine izay nambaran’ny Fo masin’i Jesoa hampibaribary ny famindrampon’Andriamanitra......[........]

Tsindrio eto hihaino ny toriteny

NITSANGAN-KO VELONA TOKOA I JESOA

Ry Kristianina havana, an-kafaliana sy an-karavoana ary am-pitiavana no anolorana ny fiarahabana sy ny firarian-tsoa ho antsika olo araiky jiaby, ho antsika mianakavy, ho antsika eglizy kely, eglizy fiombonana, eglizy fototra, eglizy iraka, isika diosezy jiaby, isika Fianakaviamben’Andriamanitra, Isika Olo Araiky Jiaby, Fratelli Tutti ary izay rehetra afaka mamaky izao hafatra sy fampianarana amin’izao andron’ny Paka izao. Nitsangan-ko velona tokoa ny Tompo Aleloia. Tamin’ny Alahadin’ny sampankazo isika no nanomboka ny dingana lehibe rehefa avy nanao ny ezaky ny karemy dia tsy inona fa ny fidirantsika ao Jerosalema izany hoe i Jesoa mpiara-belona amintsika ka miaraka Aminy isika miditra ao Jerosalema. Paka misy dikany manokana izao Paka 2023 izao. Voalohany, ao anatin’ny Sinaody dingana faharoa isika. Araka ny averimberintsika tsy hoe Sinaody par étapes fa étapes du synode izany hoe mifameno sy mifaningotra ireo dingana tanterahantsika. Nahavita dingana faharoa isika nandinika ny finoana.......[.........]

Tsindrio eto hihaino ny toriteny