FANDALINAM-PINOANA / TORITENY

ARAHABA RY FENO HASOAVANA

Ry Kristianina havana, amin’izao andro voalohany amin’ny taona vaovao 2024 izao dia mifampiarahaba isika no mifanolotra firarian-tsoa mba ho ny tsodranon’Andriamanitra sy ny fahasoavan’Andriamanitra no hanenika ny fiainantsika manontolo ka na dia eo aza ny zava- manahirana mety hitranga dia ho afaka hamakivaky ny taona isika noho ny fitahian’ny Tompo fa indrindra taona manana AKONY MANOKANA HO ANTSIKA ETO AMIN’NY DIOSEZY TAONAN’NY KONGRESY EOKARISTIKA NASIONAL KEN 2024. Ny teny fanevan’ny kongresy : FIHAVANANA HANASITRANA AN’IZAO TONTOLO IZAO… MPIRAY TAMPO ANAREO JIABY “ no entintsika manorina an’izao taom-baovao izao ka hitoetra ao amin’Andriamanitra tokoa isika….
Marina maro ny zavatra nanahirana antsika. Tena anatin’ny krizy isika. Mino sy matoky fa tokana ny faniriantsika, ny fanirian’ny tsirairay dia ny mba ho tena TAOM-BAOVAO amin’ny lafiny rehetra ity taona 2024 ity. Izany no mahatonga antsika nametraka ho ny teny fanevantsika eto amin’ny diosezy amin’ny taom-pikatrohana vaovao : “DEPART VAOVAO FIAINGANA VAOVAO VOKATRY NY FIOVAM-PENITRA MAHERY VAIKA CHANGEMENT RADICAL”.........[.........]

Tsindrio eto hihaino ny toriteny

FIANAKAVIANA MIFANKATIA, LANITRA ETY AN-TANY

Ry Kristianina havana, anio Alahady mamarana ny taona no alahady manaraka ny Noely, Alahady ahatsiarovana manokana ny Fianakaviana masina. Somebiseby isika amin’izao famaranana ny taona 2023 izao mikofoka manomana ny fety ny maro na dia tsy miafina fa tena ao anatin’ny krizy mafy. Ao anatin’izany indrindra no aoka tsy hanadino ny fototry ny fiainantsika raha mahatsiaro izao fetin’ny Fianakaviana masina izao. Masina ny fianakaviana tao Nazareta satria fianakaviana misy an’i Jesoa izay nankalazaintsika tamin’ny Noely, Andriamanitra eto amintsika. Raha eo anivon’ny fianakaviana tsirairay i Jesoa dia masina ny fianakaviana satria misy an’Andriamanitra ka na dia miatrika zavatra maro mety manahirana aza eo amin’ny fiainana dia matanjaka satria mitambatra amin’Andriamanitra ka feno fitiavana. Azonareo onogna amin’izao ny nanaovako hira setrin’ny Ranombavaka nandritra ny Fiaviana amin’ny toerana nanaovana visite pastorale : MANDROSOA AO AN-TRANONAY IANAO RY JESOA ….[.......]

Tsindrio eto hihaino ny toriteny

Tonga nofo ny Teny ary nonina tety amintsika.

Ry Kristianina havana, an-kafaliana sy an-karavoana tokoa ny anolorana ny fiarahabana sy ny firarian-tsoa ombam-bavaka ho antsika ao anatin’izao fankalazana ny Noely izao. Arahabaina isika oloaraiky jiaby tratrin’izao Noely izao. Arahabaina isika EOV MISIONERA VITA BATEMY IRAHINA HO TABERNAKLA VELONA. Matoa eto anivontsika i Jesoa amin’izao Noely izao dia satria hanavao ny zava-drehetra nikorontana, hitondra aina sy fivelomana, raha isika olombelona tratry ny fahotana tamin’ny fototra ary voasariky ny fakam-panahy ka mifanapotika dia miantso antsika àry Izy Andriamanitra amin’izao Noely izao hanokatra ny fontsika handray an’i Jesoa eo amin’ny fiainantsika mba ho ivon’ny fianantsika Izy, mba ho génération mpanorina tokoa isika sy ho mpandavorary, hitoetra ao Aminy tokoa isika ary Izy hitoetra amintsika dia hamokatra be isika ary ho feno ny hafaliantsika. Raha Izy mitoetra eo amintsika dia hamokatra be isika. Matoa ny fiainantsika izao tsy mamokatra dia satria tsy mitoetra ao amintsika i Kristy ilay Mesia tonga eto anivontsika......[........]

Tsindrio eto hihaino ny toriteny

« Aza matahotra, ry Maria, fa sitrak’Andriamanitra ianao, ka hiteraka Zazalahy, ary Jesoa no hataonao Anarany » (Lk. 1: 30)

Ry Kristianina havana, Alahady faha-efatra amin’ny Fiaviana izao Alahady mialoha ny fankalazana ny Noely izao. Noho izany, antomotra dia antomotra ny fankalazantsika ny nahaterahan’ny Tompo. Ary tsy vita ny hoe antomotra fa anio hariva ny fankalazana ny sasankalina. Faly sahady isika mifampiarahaba fa samy tonga soa aman-tsara amin’izao androm-pahasoavana izao.
Tsy afenina fa araka ny naverimberintsika dia Fiaviana manokana ity Avent ity noho ny fiomanantsika amin’ny fijanonana faha-3 amin’ny Sinaody faha-7 ary amin’ny fiatrehantsika ny Kongresy Eokaristika Iombonan’ny Nosy KNE 2024. Nanomana tokoa isika araka izany mba hivelomantsika ireo lohahevitry ny Fijanonana faha-3 izay mifameno tanteraka amin’ny KEN 2024 izany hoe : FIHAVANANA HANASITRANA AN’IZAO TONTOLO IZAO MPIRAY TAMPO ISIKA JIABY KA VONONA HIFAMPITSIMBINA HIFANASOA HIKATSAKA MANDRAKARIVA NY SOA IOMBONANA.....[........]

Tsindrio eto hihaino ny toriteny

« Dia niseho tany an’efitra i Joany Batista nitory batemim-pibebahana ho famelan-keloka » (Mk. 1, 4)

Ry Kristianina havana, raha tadidintsika tsara tamin’ny Alahady lasa teo izay nanombohantsika ny Fiaviana dia nantintraterintsika fa mitaky toe-panahy ny fiainana ny Fiaviana izay manana fomba fisehoana telo. Ny voalohany dia izay niainana tamin’ny fiandrasana ny Mesia izay ankalazaintsika amin’ny Noely ny fahatongavany. Rehefa miresaka ny hoe fankalazana isika, noho ny asan’ny Fanahy Masina, dia sady mahatsiaro no entanin’izany Fanahy izany ka mivelona ny fiomanana ny fahatongavana. Izany no antony anoloran’ny Eglizy an’izao vanim-potoanan’ny Avent na Fiaviana izao mba hamelombelona sy hivelomantsika ary hidirantsika amin’ny fahatongavan’ny Mesia.......[..........]

Tsindrio eto hihaino ny toriteny