FANDALINAM-PINOANA / TORITENY

NY FIHEVITR’ANDRIAMANITRA TSY FIHEVITSIKA 

Ry Kristianina havana, amin'izao Alahady faha-25 mandavantaona, Alahady mamarana ny volana septambra izao dia asain'ny Eglizy isika hibanjina manokana ny anjara toeran'ny lahika eo anivon'ny fiainana andavanandro, Alahady antsoina hoe andron'ny lahika. Marina fa andron'ny lahika ny andro rehetra fa tian'ny eglizy asongadina handalinana sy handinihana ny anjara toerany androany izany hoe ny maha-Apostoly ny lahika eo anivon'izao tontolo izao. Ny lahika dia ireo miaina eo anivon'izao tontolo izao, amin'ny alalan'ny fiainany no anambarany ny Vaovao mahafaly ka hitondrany ny toe-panahy maha Kristianina araka ny vavakantsika momba ny fiantsoan'Andriamanitra. Tsara averintsika sy ampahatsiahivana amintsika : “Omeo apostoly lahika vonon-kamonjy ny namana izahay mba hampamirapiratra ny toe-panahy kristianina eran’ny tany rehetra, amin’ny fitiavam-bavaka, amin’ny fitiava-namana, amin’ny fandeferana omban-kerim-panahy, amin’ny asa sahanina, hampibaribary ny toe-tsainao Kristy mamelona azy”. ....[........]

Tsindrio eto hihaino ny toriteny

IZAY MAMELA NO HAVELA  

Ry Kristianina havana, araky ny averimberintsika fa indrindra taorian'ny pantekôty ary amin'izao mandavantaona izao dia entanin'ny Fanahy Masina isika ka zary Kristy velona, Kristy mpiara-belona amin'olona ka isaky ny Alahady raha nahatsikaritra tsara isika dia misy toetra anankiray ao amin'i Kristy asongadina araka ny lohahevitra atolotry ny Eglizy hodinihintsika na koa toetra antitranterin'i Kristy ka hahatonga antsika ho mpianany tokoa sy hahatonga antsika ho mpiara-belona amin'olona eo amin'ny fiainantsika anivon'izao tontolo izao na dia tsy anisan'izao tontolo izao aza. Amin'izao Alahady mandavantaona faha-24 izao dia toetra anankiray izay azo lazaina fa takin'i Kristy ho an'ny mpianany satria tsy hoe nampianarin'i Kristy fotsiny fa niainany ary azo lazaina fa toetra hahafahantsika mampijoro, manorina ny Eglizy olona satria izany no tanjona ho antsika eo anivon'izao tontolo izao ho fanitarana ny fanjakan'Andriamanitra......[.........]

Tsindrio eto hihaino ny toriteny

NY KRISTIANINA TSY MIFAMPIJERY ARINA AN-TAVA

Ry Kristianina havana, tsy mitsahatra isika mamerimberina fa izao vanim-potoana mandavantaona dia fotoana hibanjina bebe kokoa ny toetran'i Kristy mba hanampy antsika ho kristianina satria ny teny hoe kristianina avy amin’i Kristy, hahatonga antsika ho Kristy Mpiarabelona, ho olon-dehibe amin’ny finoana. Io indrindra no tanjona tiantsika ho tratrarina amin’izao Sinaody izao ka entanina isika Jiaby hiroso lalindalina kokoa fa indrindra amin’izao dingana faharoa izao dia ny Fianakaviana Eglizy kely miaro sy mikolokolo ny tontolo iainana. Ny fototry ny fandalinam-pinoana dia i Kristy ka ny toetrany no banjinintsika hahatonga antsika Kristy velona eo anivon’ireo manodidina antsika. Fanahafana an'i Kristy no iezahantsika, haka tahaka an'i Kristy isika amin'ny fiainantsika manontolo, amin'ny toetrantsika ka izay no iezahantsika hivelomantsika ny maha EOV antsika ka hahatonga antsika ho Eglizy Olo velomin’ny Batemy miombona miara-dalana mandray an-tanana ka irahina ho Misionera ho Tabernakla Velona. Ny toetra anankiray hafa indray no atolotry ny vakiteny amintsika androany.........[.......]

Tsindrio eto hihaino ny toriteny

NY FAHASAMBARANA NO TAMBIN’NY FIJALIANA

Ry Kristianina havana, raha tamin'ny Alahady lasa faha-21 mandavantaona no ao anatin’ny vanim-potoana andalinantsika ny finoana isika ka hahatonga antsika ho Kristy mpiara-belona eo anivon'izao tontolo izao sy eo anivon'ny mpiara-belona dia mbola mitohy izany amin'izao Alahady faha-22 mandavantaona izao. Tsy mandeha ho azy ny fijoroana manambara ny finoana, izay maha Kristy mpiara-belona satria raha nitondra ny famonjena i Kristy dia tsy arak'izao endrik'izao tontolo izao ny famonjena entiny eo anivontsika mba hahatonga antsika koa handray an'izany famonjena izany ka hahatonga ny hafa hahay handray ny famonjena. Nidina farany ambany Izy araky ny voalazan'i Md Paoly amin'ny taratasiny ho an'ny Filipianina, na dia nanana ny toetra maha-Andriamanitra azy izy dia nataony tsinontsinona izany fa nietry ho farany ambany izy.....[....]

Tsindrio eto hihaino ny toriteny

I KRISTY NO lORENAN’NY FIAINANTSIKA SY NY FAHEFANNY EGLIZY

Ry Kristianina havana, averimberina amintsika matetika amin'izao fotoananny fandalinam- pinoana izao, amin’izao fotoana etrehintsika ny Sinaody izao fa isika EOV no Kristy mpiara- belona amin'olona, Tabernakla velona tahaka an’i Masina Maria izay nitsangana nandeha haingana namonjy an’I Mb Elizabeta. Isika EOV no irahina hitondra hazavana sy fanasina amin'ireo manodidina antsika mba hahafantaran'ny olona fa làlana sy fahamarinana ary fiainana tokoa i Jesoa. Raha izao tontolo very “fanahy mbola velona”, isika kosa Tsy very fa manana "répère" amin'ny làlana handehanana ary manana tanjona dia ny fivelaran'ny fiainana mifototra amin'ny fahamarinana. Nohamafisintsika koa amin’izao isika miatrika ny tapan’ny faharoa amin’ny Sinaody izao fa ny fifandraisana dia anisan’ny maha-olona ka no banjinntsika manokana ny fifandraisana amin’ny zava-boary. Notsipihintsika fa misy fifandraisana lalina amin’ny finoana io fikolokoloana sy fiarovana ny zavaboary io. Mibaribary izany rehefa mankalaza ny Eokaristia isika.....[......]

Tsindrio eto hihaino ny toriteny