FANDALINAM-PINOANA / TORITENY

Ny Tavany namirapiratra tahaka ny masoandro.

Ry Kristianina havana, izao Alahady izao dia Alahady faha-18 mandavantaona fa noho izy mifanojo amin'izao daty 06 aogositra izao izay ankalazana amin'ny fomba manetriketrika ny fiovan'ny Tompo tarehy teo an-tendrombohitra, dia izay fankalazana izay no tsaroantsika manokana anio. Tsara ihany koa ny mampahatsiahy fa anio ny fanirahana an’ireo tanora marobe mitraotro aty Lisbonne toerana anaovana ny JMJ. Araka ny efa naverina matetika amintsika, ny lohahevitra dia I Maria nijoro nandeha haingana…. Azo lazaina àry fa mifanaraka amin’izao fankalazana ny Fiovan’ny Tompo tarehy anio izao izany lohahevitra izany satria manantena isika fa ireo tanora teto Lisbone, noho ny Fahasoavan’Andriamanitra, dia nifanojo tamin’I Jesoa ka niova, nibebaka ka tahaka an’I Maria vonona hijoro ary hiainga miala eto hitondra an’I Jesoa hanavao izao rehetra izao fa indrindra ny fifandraisana amin’ny lafiny telo izay mandrafitra ny mahaolona isika ka hivelona indray ny vôkasiontsika olombelona araka ny naharian’Andriamanitra antsika dia ny fifandraisana amin’ny zava-boaary.....[........]

Tsindrio eto hihaino ny toriteny

I JESOA ILAY VATOSOA SAROBIDY

Ry Kristianina havana, ny fivelomantsika ny maha-vavolombelona antsika eo anivon'ny fiaraha- monina ka mahatonga antsika ho Kristy mpiara-belona amin'ireo manodidina antsika dia mitaky safidy matotra ary mitaky fahendrena izay tsy arak'izao tontolo izao fa ilay fahendrena omen'Andriamanitra tsilovin'ny Fanahy masina antsika. Izany ny foto-pampianarana amin'izao Alahady faha-17 mandavantaona handalinantsika ny finoantsika izao. Nahatsapa an'izany ny Mpanjaka Salomona henontsika tamin'ny vakiteny voalohany androany fa ny faharitan-tsaina sy fahendrena tena izy dia tovozina ao amin'Andriamanitra fa tsy eo anivon'ny herin-tsaina na vokatry ny harena fotsiny. Ny tena harena marina dia ny fahendrena izay manampy ny olona hanana ny fivelarana ny maha-olona manontolo sy ny olon-drehetra......[.........]

Tsindrio eto hihaino ny toriteny

MAHANDRY ANDRIAMANITRA ARY MAMINDRA FO

Ry Kristianina havana, ao anatin’ny fanatanterahana ny Sinaody isika ary miomana amin’ny fanamasinana ireo diakra ho pretra eto amin’ny diosezy ka izao indrindra no fotoana tsy maintsy anaovantsika vavaka totoafo mba hihavao tokoa ny fo amam-panahintsika fa indrindra ny lohahevitra dinihintsika amin’izao fijanonana faharoa, dingana faharoa dia ny hoe “Eglizy kely miaro sy mikolokolo ny tontolo iainana izao”. Naverimberintsika fa io ny vôkasiontsika tamin’ny nahariana antsika, raha tiantsika hiarina indray ity Tranobe Iombonana efa robaka ity dia tsy maintsy mivelona indray io vôkasiontsika io isika. Mitaky fiovam-penitra mahery vaika mitondra antsika hanana toetra manambara halemem-panahy, manambara fahatsoram-po. Ho sambatra isika amin’izany satria ho tonga diosezy maintso ny diosezintsika, ity faritra misy antsika ity. Zary diosezy feno fanantenana ny diosezintsika, ka ho feno fanantenana koa ny ho avy.
Izany tokoa ny manamarina ny teny faneva na slogan averimberintsika tsy amaray ny ho avy fa niany......[.......]

Tsindrio eto hihaino ny toriteny

NOKENDREN’ANDRIAMANITRA HISY VOKANY EO AMIN’NY FIAINANTSIKA, NY TENINY

Ry Kristianina havana, mandeha hatrany fiainana na dia eo aza ity krizy marolafy mikiky ny fiainantsika ity. Sahirana tokoa isika rehetra. Mitaky firaisan-kina bebe kokoa izao krizy izao. Mitaky fifarimbonana na solidarité. Io ny fihavanana hiainana fa tsy resaka fotsiny. Tsy hoe mandeha anjambany isika amin’izany rehetra satria miara-dalana miatrika izao Sinaody izao mba EOV EGLIZY OLO VELOMIN’NY BATEMY MIOMBONA MIARA-DIA MANDRAY AN-TANANA ZARY MISIONERA TABERNAKLA VELONA. Miatrika ny dingana faharoa isika izao. Raha Kristy Mpiara-belona eo anivon'ny fiaraha-monina misy antsika ka tonga fahazavana sy fanasina fa eo ny Tenin'Andriamanitra manilo antsika, manilo ny fiainantsika, Izy no jiro maninteraka ny fiainantsika dia afaka mametraka rafitra manampy antsika hiatrika izao krizy izao.
Raha ny lohahevi-dehibe androany Alahady faha-15 mandavantaona dia manampy antsika handinika ny zava-misy ka manosika antsika handalina ny finoantsika bebe kokoa........[.........]

Tsindrio eto hihaino ny toriteny

I JESOA: BE FITIAVANA SY MALEMY FANAHY

Ry Kristianina havana, isaky ny Alahady mandritra ny vaninandro mandavantaona dia manome toetra anankiray antsika ny Eglizy amin'ny alalan'ireo vakiteny izay henointsika ny Alahady ka halalinintsika mandritra ny herinandro mba hahatonga antsika ho Kristy mpiara-belona amin'olona, hahatonga antsika ho EOV, Eglizy Olo Velo miombona miara-dalana mandray an-tanana irahina ho Misionera, ho Tabernakla Velona.
Ny fanaovana asa soa, ny fandraisana ny vahiny, ny fandraisana ny hafa no nohalalinintsika tamin'ny Alahady faha-13 lasa teo mba hahatonga antsika ho Kristy eo anivon'ny mpiara-belona amintsika, hahatonga antsika ho fanasina amin'ireo mpiara-belona amintsika.......[.......]

Tsindrio eto hihaino ny toriteny