FANDALINAM-PINOANA / TORITENY

TOETRA MAHITSY SY MANETRY TENA NO ILAINA HANOMPOANA NY EGLIZY

Ry Kristianina havana, miroso hatrany tokoa isika amin’izao fiaingana vaovao izao, izao depart vaovao izao ao anatin’ny Pantekoty Vaovao ka hahatonga antsika hivelona ny teny fanevan’ ny Sinaody faha-7 EGLIZY OLO VELOMIN’NY BATEMY MIARA-DIA MIOMBONA MANDRAY AN-TANANA IRAHINA HO MISIONERA, TABERNAKLA VELONA. Isaorana Andriamanitra fa nahavita ny fijanonana roa isika izao ka miroso hatrany ny dia. Ny fijanonana voalohany no nandinihantsika ny “fianakaviana Eglizy kely miaramivavaka miara-mandalina ny finoana”. Ny fijanonana faharoa vao natrehintsika kosa izay tena miditra lalina amin’ny fiainantsika dia ny Eglizy kely miara-manaja, miaro, mikolokolo ny zava boahary......[........]

Tsindrio eto hihaino ny toriteny

Fankalazana ireo olomasina

Ry Kristianina havana, vao avy no namarana ny volan'ny raozery isika izay nibanjinantsika ny misterin'ny famonjena antsika : misterin'ny fahatongavana ho nofo, misterin'ny famirapiratan'ny fahazavana, misterin'ny fijaliana izay nibanjinantsika an'i Jesoa manolotra ny ainy ho fanavotana antsika ary ny mistery be voninahitra izay hibanjinantsika miaraka amin'i Masina Maria ny fiainan-ko avy izay andrasantsika. Nandritra izay volana Oktobra volan'ny Rozery ihany koa no nandalinantsika ny volan'ny misiona ka namakafakantsika ny maha EOV MISIONERA ANTSIKA VITA BATEMY KA IRAHINA HO TABERNAKLA VELONA araka ny hafatr'I Papa hoe "Inty aho ka iraho". Volana oktobra izay nidirantsika amin'ny TAONA PASTORALY VAOVAO KA HANAOVANTSIKA DEPART VAOVAO AO ANATIN'NY PANTEKOTY VAOVAO. ARY INDRINDRA VOLANA NIROSOANTSIKA TAMIN’NY FIJANONANA FAHAROA NY SINAODY FAHA-7 KA NANDALINANTSIKA NY FIFANDRAISANTSIKA AMIN’NY TONTOLO IAINANA KA NANDRAISANTSIKA TOROLALANA MAFONJA HAMPIHARINA EO NOHO EO, HITSINJOVANA NY IVO EZAKA SY LAVITR’EZAKA HAHATONGA ANTSIKA HIHAVANA INDRAY AMIN’NY ZAVA-BOARY HAHATONGA HO MPIARO, HO MPANORINA, HO MPIKOLOKOLO FA TSY SANATRIA HO MPANDRAVA....[........]

Tsindrio eto hihaino ny toriteny

TIA AN’ANDRIAMANITRA SY NY NAMANA NO MAHA-KRISTIANINA

Ry Kristianina havana, amin'izao Alahady faha-30 taona mandavantaona izao dia sady Alahady hamaranantsika ny volan'ny raozery no volan’ny misiona. Mbola ao am-pontsika ny fankalazana ny Sinaody ary ao an-tsaintsika ireo fehin-kevitra maniraka antsika hiroso amin’ny lalindalina kokoa ka hahatonga antsika ho EGLIZY OLO VELONA MIARA-DALANA MIOMBONA MANDRAY AN-TANANA MISIONERA ZARY TABERNAKLA VELONA.
Ny foto-kevitra lehibe aroson'ny Eglizy ho saintsainintsika sy ho halalinintsika ary hivelomantsika eo amin'ny fiainantsika andavanandro ka hahatonga antsika hanana fiainana mirindra, araka ny averimberina amintsika hahay hampitraotra ny fiainana andavanandro sy ny finoana hahatonga antsika ho Kristy mpiara-belona amin'olona dia fivelomana tokoa ny identitén-tsika, ny maha-kristianina antsika.......[........]

Tsindrio eto hihaino ny toriteny

 NY ANDRIAMANITSIKA: MIZANA BE TSY MIANGATRA

Ry Kristianina havana, avy niatrika ny Fijanonana faharoa na koa ny dingana faharoa amin’ny Sinaody isika. Nahatsapa isika fa maro ny zavatra mbola tsy maintsy halalinina mba hahatonga antsika ho OLON-DEHIBE AMIN’NY FINOANA. Amintsika miresaka izao dia mikatroka koa ny any Roma, mivory mandinika mikasika ny Sinaody faha-16 handalinana ny maha-Eglizy miara-dia. Entintsika am-bavaka izany araka ny fangatahan’ireo Tompon’andraikitra. Ao anatin’ny volana oktobra, volan’ny mission izany rehetra izany no miseho. Tsy misy kisendrasendra hoy isika amin’ny Tompo fa ataon’izao rehetra izao hahasoa ireo izay tiany. Tiany tokoa isika satria amin’izao volana oktobra izao izany no handinihantsika manokana ny maha EOV MISIONERA antsika , ny maha Tabernakala velona antsika ary tsy irery isika fa miaraka amin’i Masina Maria ilay Misionera voalohany sy Mb Teresin’I jesoa Zazakely izay Mpiaro voalohan’ny misiona.....[.......]

 

Tsindrio eto hihaino ny toriteny

ANTSOIN’NY TOMPO HANKEO AMIN’NY FANASANY ISIKA    Ry Kristianina havana, antsoin'Andriamanitra isika ho ao anatin’ny hasambarana miaraka Aminy, ho Olo Araiky sy fianakaviambe ao Aminy. Koa amin'izao Alahady faha-28 mandavantaona izao dia antsoiny isika amin'ny fanasana lehibe iombonana Aminy mba hahazahoantsika ny tena hasambarana ary efa mampitsinjo antsika sahady ny amin'ny fiafarantsika koa Izy.  Ry Kristianina havana inona tokoa moa no niainantsika nandritra ny fankalazana ny Sinaody dingana faha 2 na ny Fijanona faharoa nibanjinantsika ny “fianakaviana “Eglizy kely” miara-miaro sy mikoloko ny tontolo iaianana”. Ny fandalinana nataontsika dia  nanampy antsika hahatsapa ny vôkasiontsika hatramin’ny naharian’Andriamanitra antsika. Tsy inona fa noharian’Andriamanitra amin’ny hasambarana isika ka ny loharano sy fototra dia ny fivelomantsika indray ny fifandraisana amin’ny zava-boary, amintsika samy isika ary amin'Andriamanitra......[..........]   Tsindrio eto hihaino ny toriteny