FANDALINAM-PINOANA / TORITENY

MAHATOKY ANDRIAMANITRA

Ry Kristianina havana, manomboka amin’izao Alahady fahatelon’ny karemy izao dia ny Evanjely nosoratan’i Md Joany no vakintsika isan’Alahady fa indrindra ireo Evanjely izay famantarana mifandray akaiky amin’ny batemy. Handinika bebe kokoa mikasika ny batemy isika manomboka izao. Inona ny antony? Ny Paka no loharano sy fototra ny fiainantsika kristianina ka ny batemy no Paka ho antsika. Izany hoe fandalovana isika, miala amin’ny fahafatesana miditra amin’ny fiainana. Araka izany ny Alahady fahatelo sy fahaefatra ary fahadimy dia handinihantsika ireo famantarana ao amin’ny Evanjelin’I Md Joany izay ahitana ny fanazavana ataon’i Jesoa mikasika an’ireo famantarana ireo. Aoka àry hitamberina ao an-tsaintsika ny Sinaody tapany voalohany izay nandinihintsika ny FIANAKAVIANA EGLIZY KELY MIARA-MIVAVAKA, MANDALINA NY FINOANA ka anisan’ny sakramenta lehibe nasongadintsika ny Batemy......[........]

Tsindrio eto hihaino ny toriteny

VOAANTSO HO AN’NY FANANTENANA ISIKA

Ry Kristianina havana, mitodika any Addis-Abeba Etiopia ny fo amam-panahintsika amin’izao alahady faharoa ny Karemy izao. Anio tokoa no mamarana ny dingana kontinentalin’ny Sinaody Eran-tany faha-16. Enga anie hisogadina tokoa amin’ny fehin-kevitra entina any
Roma ny maha-Eglizy Fianakaviam-ben’Andriamanitra ny Eglizy aty Afrika miara-dia mandray an-tanana ka zary Misionera araka ny hafatry ny Papa Md Paoly faha 6 raha nanao visite pastorale taty Afrika izy tamin’ny 1975 : ianareo afrikanina izao no misionera ho anareo afrikanina.
Tsara koa ny manamarika fa ny litorjia dia entin’ny Eglizy hampianatra antsika hivelona ny finoana, ilay finoana
ankalazaina amin'ny alalan'ny litorjia ka hitondra amin’ny finoana iainana entina eo amin’ny fiainana andavandro ijoroana vavolombelon’ny finoana inoana ka hahatonga Misionera.......[.........]

Tsindrio eto hihaino ny toriteny

Ny Rainao izaymahitanymiafina no hamalysoaanao.

Ry Kristianina havana, amin'izao Alarobia fanosorana ny lavenona izao no vanim-potoana lehibe entintsika miomana amin'ny Paka izay fandalovana, miala amin'ny ratsy miditra amin'ny tsara, miala amin'ny fahafatesana miditra amin'ny fiainana, miala amin'ny fahotana miditra ao amin'ny fiadanana ary dia atombontsika androany Alarobia mamarana ny volana febroary ka mampiditra antsika koa tsy ho ela amin’ny volana Martsa, volan'I Md Josefa volana izay iatrehantsika ny pelerinajy eny amin’ny La Montagne des Français sy fanatanterahana ihany koa ny Messe Chrismale.
Tanisaina izany rehetra izany satria tena vanim-potoana lehibe tokoa ny miantomboka amin’izao fa indrindra ao anatin’ny fantanterahana ny Sinaody Tapany Faharoa. Aoka hararaotintsika ny volan’I Md Josefa handray azy ho modely amin’izao fanaovantsika ny Sinaody sady indrindra amin’izao fiomanana ny Paka amin’izao vanim-potoan’ny Karemy izao......[.......]

Tsindrio eto hihaino ny toriteny

Raha misy tia Ahy, hitandrina ny teniko izy, ka ho tian’ny Raiko; ary hankao aminy Izahay, ka honina ao aminy.

Ry Kristianina havana, mitohy hatrany ny fandalinantsika ny toriteny nataon’i Jesoa teo an-tendrombohitra, izay nolazaintsika fa sata nanorenany ny fiainana maha Kristianina antsika izany hoe fiainan’ireo izay manara-dia Azy hivelona an’izay aina natolony teo amin’ny hazo fijaliana ka hahatonga an’izy ireo ho zanak’Andriamanitra, ho Fianakaviam-ben’Andriamanitra, ho Fratelli Tutti, haha-Olo Araiky antsika Jiaby. Ary io indrindra ny ezaka ataontsika amin’izao Sinaody iarahantsika manao izao ary eo amin’ny dingana faharoa isika dia ny Fianakaviana Eglizy kely miaro ny tontolo iainana ka hahatonga Tranobe Iombonana hiverina amin’ny toetra naharian’Andriamanitra azy.
Efa ho herinandro maromaro no nandinihantsika ny Toriteny teny an-tendrombohitra satria hitan’ny Eglizy fa Fanorenana ny Fianakaviana vaovao no tian’I Jesoa ho tanjona.......[.......]

Tsindrio eto hihaino ny toriteny

 TANO AO AM-PO NY DIDIN-JANAHARY, FA FOTOTRY NY SOA - TSY MISY "DÉLÉSTAGE" AO AMIN’I JESOA

Ry Kristianina havana, amin’izao Alahady faha-06 mandavataona izao dia mbola manohy ny fandalinam-pinoana isika satria izay rahateo ny maha mandavantaona azy. Ny toriteny teny an-tendrombohitra izay hahatonga antsika hivelona ny fahasambarana, hahatonga antsika ho fanasina sy fahazavana no mbola tohizantsika hodinihina. Mikasika ny fahendrena no voasongadina amin’izao Alahady faha-06 izao. Betsaka ny mitady izany fahendrena izany satria io no hahafantarana fa olona feno isika. Ny olon-kendry no afaka mitondra ny asan’Andriamanitra, ny olon-kendry no maneho amin’ny fiainana ny maha-olom-banona azy. Raha ny amin’ny sekoly, na ny fanabeazana no asian-teny eto amin'ny tanindrazantsika dia naka tena faneva isika efa fotoana maro ihany izay.....[......]

Tsindrio eto hihaino ny toriteny