FANDALINAM-PINOANA / TORITENY

« Miandrandrà ka asandrato ny lohanareo, fa efa akaiky ny fanavotana anareo »

Nankalaza an’i Kristy mpanjaka isika tamin’ny Alahady lasa teo izay namaranantsika ny taona litorjika ary amin’izao Alahady voalohan’ny volana desambra izao no hidirantsika amin’ny taoana litorjika vaovao ka I Md Lioka no Evanjely ho banjinintsika manokana amin’ity taona D ity. Md Lioka izay mampisongadina bebe kokoa mikasika ny famindrampon’Andriamanitra sy i Masina Maria. Mandritra ny taona isika handalina izany. Faly sy ravo miarahaba antsika amin’izao taona vaovao litorjika izao izay taona ho entintsika Olo Araiky manorina araky ny lohahevitra noraisintsika taorian’ny filankevitra pastôraly. Manorina ho Eglizy Tranon’Andriamanitra sy Eglizy Olona Velona, ho Kristy mpiara-belona amin’olona satria ny teny Kristianina avy amin’i Kristy ka tahaka an’I Krsty isika kristianiana mpitory vaovao mahafaly amin’ny toerana rehetra misy antsika....[.....] 

Tsindrio eto hihaino ny toriteny

Fankalazana an’i KRISTY MPANJAKA

« Dia hoy i Pilaty taminy: Koa Mpanjaka izany Ianao ? Ary novalian’i Jesoa hoe : Efa voalazanao : Mpanjaka Aho » (Jo. 18: 37)

Alahady mamarana ny volana novambra isika androany izay volana hibanjinantsika ny fiainan-ko avy rehefa nanantitrantitra isika tamin’ny Alahady lasa teo fa mbola hiverina amin’ny fomba manetriketrika I Kristy. Amin’izao Alahady faha 34 izao no famaranana ny taona litorjika ka ankalazantsika an’i Kristy mpanjakan’izao rehetra izao. Inona no tsara asongandina amin’izao fetin’I Kristy mpanjaka izao ?
Mampahatsiaro ny anjara toeran’ny finoana eo amin’ny fiainantsika, eo amin’ny fiainan’ny fiaraha-monina sy ho an’ireo izay maniry te-handray andraikitra bebe kokoa amin’ny fiaraha-monina. Tsy mpanjaka mamefy tany na faritra fa mpanjakan’izao rehetra izao i Jesoa Kristy, ny tany aman-danitra satria izy no Kristy nahary an’izao rehetra izao, mpanjaka tokoa izy nefa tsy araky ny fiheverantsika olombelona izany maha mpanjaka azy izany......[.......]

Tsindrio eto hihaino ny toriteny

« Dia ho hita amin’izay ny Zanak’olona avy eo ambonin’ny rahona amin-kery lehibe sy voninahitra » (Mk. 13: 26)

tamin’ny Alahady  faha 32 mandavantaona lasa teo ny fampianarana azontsika dia ny hoe izay tia mahafoy, fototry ny fiainantsika sy ny maha zanak’Andriamanitra antsika ny fahafoizana, fototry ny maha Kristianina antsika ny fahafoizana eo amin’ny mpiara belona amintsika, fototry ny maha mpanorina antsika EOV sy ETA. Ao anatin’izao fiomanantsika amin’ny hasim-pinoana ary amin’izao Alahady izao mialoha ny fankalazana an’I Kristy mpanjaka no nofidin’ny Papa manokana ny Alahady faha 33 mandavantaona hahatsiarovana ny asa fanasoavana an’ireo mahantra. Indrisy fa mihamaro ny mahantra eto amintsika ka inty andro anio ity, izay andro hankalazantsika sy hirosoantsika bebe kokoa amin’ny asa fanasoavana an’ireo voahiliky ny fiaraha-monina.....[.......]

Tsindrio eto hihaino ny toriteny

« Lazaiko marina aminareo fa io mpitondratena mahantra io no nandatsaka be indrindra tamin’izay rehetra nandatsaka tao amin’ny fandatsahan-drakitra » (Mk. 12: 43)

Ry Kristianina havana, raha tamin’ny Alahady lasa teo isika nandinika ny fitsipika volamena mba ialantsika amin’ilay fivavahana ety ivelany sy ny fanatanterahana fitsipika fotsiny izay nanomezan’i Jesoa tsiny an’ireo mpanora-dalàna sy farisiana tamin’ny fotoanandrony, amin’izao Alahady faha 32 mandavantaona izao dia miditra lalindalina amin’izany fandinihana ny fitsipika volamena izany isika. Nilaza i Jesoa “Mihainoa ry Israely, ny Tompo Andriamanintsika no Tompo Andriamanitra tokana ka tiavo ny Tompo Andriamanitrao amin’ny fonao, amin’ny fanahinao, amin’ny sainao ary herinao manontolo”, izany no didy voalohany, ny faharoa mitovy amin’izany : “Tiavo ny namanao tahaka ny tenanao” ....[.......]

Izany no didy voalohany ary ny faharoa dia mitovy aminy ihany koa

Ry Kristianina havana, rehefa nandinika momba ny fiainan-ko avy isika tamin’ny fankalazana ny fetin’ny olomasina rehetra sy ny fibanjinantsika ireo havantsika nialoha làlana antsika tamin’ny 02 novambra teo, izao Alahady voalohany amin’ny volana novambra izao kosa, izay volana eo ny fiainam-pirenentsika Malagasy, dia atolotry ny Eglizy amintsika ny vakiteny telo izay azo lazaina fa mametraka ny fototra maha Kristianina antsika sy ny anjara toeran’ny fivavahana amin’ny fiainantsika andavanandro ary mifanaraka tsara amin’ny fehin-kevitra nasongadina tamin’ny filankevitra pastôraly nataontsika ka nametrahantsika ny hoe aoka ho taranaka mpanorina isika, ho Eglizy Olona Velona sy Eglizy Tranon’Andriamanitra isika. Izany indrindra no lohahevitra tian’ny Eglizy ho dinihantsika dia ny Fitiavana .....[.......]