FANDALINAM-PINOANA / TORITENY

« Izaho sy ny Ray dia iray ihany » (Jo. 10 : 30) »

Ry Kristianina havana, mbola ao anatin’ny Paka tokoa isika, Alahady faha-efatra amin’ny Paka izao. Noraisintsika nandritra izany fankalazana izany hibanjinana ny toe-panahin’i Jesoa arak’ireo vakiteny aroson’ny Eglizy isaky ny Alahady mba hianarantsika ka hahatonga antsika ho mpanara-dia an’i Kristy tokoa izany hoe ho Kristianina. 

Amin’izao Alahady faha-efatra izao dia hibanjinantsika an’i Jesoa Mpiandry Ondry tsara ka hivavahantsika manokana ho an’ny fiantson’Andriamanitra indrindra ho an’ny voatokana sy ny pretra ary hivavaka manokana ho an’I Papa Fransoa izay hamangy antsika ka ho tahaka an’i Piera izy hankahery antsika. Halalinintsika ny finoantsika mba ho Kristianina mpiara-belona amin’olona tokoa isika ka ho mpamafy ny fiadanana sy ny fanantenana....[....]

TSINDRIO ETO HIHAINO NY TORITENY

"Dia nanatona i Jesoa, nandray ny mofo, sy nanome azy ireo » (Jo. 21 : 13)" 

mbola ao anatin’ny Alahady fankalazana ny Paka isika. Isaky ny Alahady dia omen’ny Eglizy lohahevitra iray isika hibanjinantsika ny toetran’i Kristy mba hianarantsika hiaina ny toetrany ka hahatonga antsika ho Kristianina, Kristy mpiara-belona amin’olona. Tamin’ny Alahady lasa dia nibanjina an’i Kristy mpamindra fo isika mba hahatonga antsika koa ho mpamindra fo. Amin’izao Alahady fahatelo izao dia ireo mpianatra miverina amin’ny asan’izy ireo andavanandro izany hoe niverina amin’ny maha-mpanarato azy ireo nefa tsy nahazo na inona na inona ka tonga teo aminy I Jesoa nankahery azy ireo sy naniraka azy ireo hoe “Alatsaho ao ankavanan’ny sambo kely àry ny haratonareo, fa hahazo ianareo”, I Jesoa velona tokoa eo anivontsika no banjinintsika androany. Koa amin’ny asa rehetra sahanintsika sy iandraketantsika, miaraha amin’I Jesoa fa velona izy ary manampy antsika hamokatra.....[......]

Tsindrio eto hihaino ny toriteny

" Raiso ny Fanahy Masina: ny fahotana izay havelanareo dia ho voavela, ary izay hotananareo dia ho voatana "  

Mbola anatin’ny herinandro fankalazana ny Paka isika. Namakivaky ny havaloana masina isika nanomboka ny alatsinainy ny Paka ka tonga amin’izao Alahady faharoa ny Paka izao. Antritantrerin’ny tenin’Andriamanitra aroson’ny Eglizy ho antsika ho sakafo mamelona ny fototry ny finoantsika dia I Jesoa nandresy ny ratsy ka nitsangan-ko velona. Tafatsangan-ko velona tokoa ny Tompo, Aleloia. Ny Aleloia dia fankalazana ny fandresen’Andriamanitra. Izany no hibanjinintsika miaraka amin’ireo tenin’Andriamanitra amin’izao Alahadin’ny famindrampo, faharoan’ny Paka izao......[.......]

Tsindrio eto hihaino ny toriteny

" Fiadanana anie any an-danitra, ary voninahitra anie any amin’ny avo indrindra "

Ry Kristianina havana, izao Alahadin’ny sampankazo izao no mampiditra antsika amin’ny herinandro masina izay ankalazantsika ny famonjena antsika dia Andriamanitra nanaiky hanavotra antsika, nanaiky nanolotra ny ainy ho antsika, nanaiky ho faty hanafaka antsika amin’ny fahotana. Masina izay miombona amn’Andriamanitra. Masina izao herinandro izao satria mampiombona amn’Andriamanitra. Masina isika satria miombona amin’Andriamanitra. Araraoty ary izao herinandro masina izao iombonantsika bebe kokoa amin’Andriamanitra. Maro ny famantarana hibanjinintsika mandritra izao herinandro masina izao hanampy antsika mamelombelona ny finoantsika ary ny finoana no hahaizantsika mandray izao herinandro izao ho masina ka mitondra antsika amin’ny Paka izay hahatonga antsika ho zava- boahary vaovao ao amin’Andriamanitra.....[......]

Tsindrio eto hihaino ny toriteny

« Izay tsy manam-pahotana aminareo no aoka hitora-bato azy voalohany »

Efa manakaiky dia akaiky tokoa ny fankalazantsika ny Paka, roa Alahady sisa dia mankalaza ny paka isika ary amin’ny alahady hoavy dia hankalaza ny sampankazo izay mampiditra antsika amin’ny herinandro lehibe, ny herinandro masina. Izao Alahady izao amin’ny toerana maro dia alahady fanaovana pelerinajy izay handinihantsika ny lakroan’i Kristy, miombona amin’I Jesoa amin’ny làlan’ny hazo fijaliana lehibe. Miakatra eny amin’ny la montagne isika manao pelerinajy, entintsika hiakatra ny fiainantsika fa tsy hirefarefa amin’ny tany izay feno lainga sy fitapitaka ary herisetra. Izany rehetra izany no nahafaty an’I Jesoa teo ambony hazofijaliana noho ny etraketrakantsika olombelona....[.....]

Tsindrio eto hihaino ny toriteny