FANDALINAM-PINOANA / TORITENY

“« Tsara avokoa ny zavatra rehetra nataony, fa nampalady ny marenina Izy sy nampiteny ny moana » (Mk. 7: 37)“

Ry Kristianina havana, misy fotoana eo amin’ny fiainantsika maro ny zavatra mifamahofaho sy manahirana ary mahakivy ka very fanahy mbola velona isika miatrika ireny zava-misy mikiky ny fiainantsika mampitebiteby antsika ireny. Tsy Andriamanitra lavitra nefa ny Andriamanintsika fa akaiky sy miara-dàlana amintsika mandrakariva ary nanolotra ny ainy ho fanavotana antsika sy mikarakara ary mikolokolo antsika ny Andriamanintsika. Izany ny tian’ireo vakiteny telo asongadina amin’izao Alahady faha 23 tsotra mandavantaona handalinantsika ny finoantsika .....[.......]

“Tsy ny zavatra avy any ivelany miditra ao anatin’ny olona no mahaloto azy, fa izay mivoaka avy ao anatin’ny olona no mahaloto azy » (Mk. 7: 15)

raha nifaranantsika tamin’ny Alahady faha 21 tsotra mandavantaona lasa teo ny fandalinana ny evanjelin’i Md Joany 6 dia ny fandalinana ny Eokaristia miainga avy aimn’ny famantarana nataon’i Jesoa tamin’ny fampitomboana ny mofo ka nanambarany fa Izy tokoa no Mofon’aina mahavelona sy Rà loharano mamelona antsika ka izay misotro ny ràny sy mihinana ny nofony dia hanana ny fiainana mandrakizay. Amin’izao Alahady tsotra faha 22 mandavantaona izao dia miverina amin’ny Evanjelin’i Md Marka isika izay vakiana mandritra izao taona B izao ka mifanojo tsara ary manohy ny fampianarana nataon’i Jesoa nohalalinintsika mikasika ny Eokaristia. Tsy maintsy manara-dia azy isika ka izany indrindra ny lohahevitra aroson’ny Eglizy androany : “Tsy mora tokoa ny manaraka an’I Jesoa” fa tsy maintsy mitondra ny hazofijaliana, tsy maintsy misy fijaliana.....[.......]

Tsindrio eto hihaino ny toriteny

“Tompo ô, hankany amin’iza àry izahay? Ianao no manana ny teny fiainana mandrakizay ”.

Mbola tohizantsika ny fandalinana ny Eokaristia miainga amin’ny Evanjely Joany 6 izay manambara ny famantarana nataon’i Jesoa dia ny fampitomboana ny mofo ka niainga avy amin’izany izy no nampianatra ny fanorenana ny Eokaristia loharano sy  fototra ny fiainantsika. Maro ireo tsy nahazo ny fampianarana nataon'i Kristy ka nihemontra ka tsy niaraka aminy intson. 

Amin’ny Evanjely androany Alahady faha 21 tsotra mandavantaona i Md Piera no nisolo vava ireo mpianatra rehefa nanontany I Jesoa hoe ary ianareo mba ahoana, te-hiala koa ? namaly i Piera nanao hoe “hankany amin’iza izahay ianao no manana ny teny fiainana ary izahay efa nino sy nahalala fa ianao no ilay masin’Andriamanitra”, fiekem-pinoana izany ary mahatonga antsika ho iray ao amin’i Jesoa sy mahatonga antsika taranaka mpanorina satria mitoetra ao amin’i Jesoa sady itoreran’i Jesoa, finoana izany. Ny finoana tokoa no mampiombona amin’i Jesoa fa tsy zavatra hafa n’oviana n’oviana.

Ny fiainana sy fitoerana amin’i Jesoa no tena finoana, hifikitra sy hiaraka amin’i Jesoa ka mahatonga an’ireo ho Jesoa velona sy mpiara-belona amin’olona amin’izao fotoana izao. Fampianarana lehibe ho antsika ny voalazan’i Piera sy ny fiekem-pinoana nataony.....[........]

“TENA FIHINANA NY NOFOKO, TENA FISOTRO NY RAKO”

Amin’izao Alahady faha-20 tsotra mandavantaona izao dia manohy ny fampianarany i Jesoa ary momba ny mofon’aina ny voalaza amin’ny Evanjely androany Joany toko faha-6. Nisy fimonomononana sy fanafintohinana teo amin’ny jody raha nilaza izany i Jesoa. Nilaza tokoa I Jesoa fa mofo velona avy any an-danitra Izy. Tsy mahagaga raha nimonomonona ny vahoaka jody nandre ny tenin’i Jesoa ary toy izany koa isika raha tamin’ny toeran’izy ireo satria fantatr’izy ireo tsara ny fiavian’i Jesoa sy ny fianakaviany. Io indrindra ny fidirana amin’ny misterin’ny fahatongavana ho nofo sy ny misterin’ny fanavotana izay ankalazaintsika tanteraka amin’ny Eokaristia, izany no banjinintsika eo amin’ny Eokaristia, i Jesoa teraka tonga nofo eo anivontsika. Ny Eokaristia no mampisantatra antsika amin’ny fiainan-koavy sy mampiditra antsika amin’ny misterin’ny fanavotana......[........]

Tsindrio eto hihaino ny toriteny 

Nanao zava-dehibe tamiko ilay Mahefa; nasandrany ireo manetry tena.

Izao faha 15 aogositra izao no iarahan’ny Eglizy eran-tany mankalaza amin’ny fomba manetriketrika ny nampiakarina an’i Masina Maria any an-danitra. Fety lehibe ho an’ny Eglizy izany satria ny fidiran’i Masina Maria ao amin’ny voninahitr’Andriamanitra no ankalazaintsika anio. Tsara marihina fa hafa ny fomba fiteny raha hilaza an’i Jesoa  nitsangan-ko velona sy niakatra any an-danitra.  Fa Masina Maria kosa  lazaina hoe Nampakarina any an-danitra izany hoe tsy vokatry ny famendrehan’i Masina fa vokatry ny fanomezam-pahasoavana manokana avy amin’i Jesoa zanany no ampakarana azy. Finoana no andraisantsika an’izany satria i Masina Maria no Renin’i Jesoa ary i Jesoa dia zanak’Andriamanitra ka noho izany dia Renin’Andriamanitra i Maria. Ao amin’ny voninahitry ny zanany izany i Masina Maria ary fanomezam-pahasoavana manokana avy amin’i Jesoa zanany, avy amin’ny famonjena nentin’i Jesoa izany ka i Masina Maria no nisantatra azy tahaka ny fandraisany an’i Jesoa tao ambohoka raha nitondra azy ho eo amin’izao tontolo izao izy vokatry ny asan’ny Fanahy Masina.....[......]

Tsindrio eto hiihaino ny toriteny