FANDALINAM-PINOANA / TORITENY

Fa ny Zanak’olona tsy mba tonga hotompoina, fa mba hanompo ary hahafoy ny ainy ho fanavotana ny maro » (Mk. 10, 45)

Ry Kristianina havana, efa roa alahady sahady izao no niarahantsika miatrika an’ity taom-pikatrohana 2024-2025 ka hiarahantsika mikatroka ny Sinaody faha-7 fijananona faha-3 raha any Roma ny Eglizy erantany miatrika ny deuxième session. Entina am-bavaka ny ezaka rehetra mba ho FIANAKAVIANA EGLIZY KELY MIARA-DALANA MIOMBONA MANDRAY AN-TANANA KA MIFAMPITSIMBINA MIFANASOA MIKATSAKA NY SOA IOMBONANA SATRIA MPIRAY TAMPO ISIKA JIABY. Isaorana Andriamanitra fa nanome aina sy angovo ho antsika ny KEN 2024 ka ahafahantsika miroso lalindalina kokoa amin’ny dinika rehetra ataontsika satria ny fihavanana indrindra no ivon’ny dinika......[........]

Tsindrio eto hihaino ny toriteny

METY HISAKANA TSY HO TAFIDITRA ANY AN-DANITRA NY MIFIKITRA AMIN’NY HARENA

Ry Kristianina havana, herinandro izay no nidirantsika amin’ny lafy amin’ny Taom-pikatrahona ary indrindra ny fanatanterahantsika ny Sinaody faha -7 fijanonana faha-3, 3ème session. Anio ihany koa any Ambatondrazaka no hanamasinana Eveka an’I Mgr Lalaina izay nanentana antsika mikasika ny Sinaody tany Vohemar. Aoka ho ao an-tsaintsika ny teny faneva manentana antsika dia ny hoe : EGLIZY VELONA, VELOMIN’NY BATEMY KA ZARY TABERNAKLA VELONA. Miara-dalana amin’ny Eglizy Erantany isika ka ny teny faneva dia tena mifanaraka amin’ny sinaodantsika : Fiarahan-dia miroso amin’ny FIOMBONANA (Eglizy velona), amin’ny FANDRAISANA AN-TANANA (velomin’ny Batemy), ka zary IRAKA (Tabernakla). Ny tena mahavariana dia ny fomba fiasa : samy miainga avy amin’ny fototra ary mampiasa ny « mijery, mitsara, mankalaza ».......[....]

Tsindrio eto hihaino ny toriteny

“ Koa aoka izay nakamban’Andriamanitra tsy hosarahin’olombelona “ (Mk. 10, 9)

Ry Kristianina havana, amin’izao Alahady 6 Oktobra 2024, Alahady tsotra faha-27 mandavantaona izao, alahady anombohantsika ny fikatrohana pastoraly hidirantsika amin’ny fiatrehana ny SINAODY faha-7 fijanonana faha-3 na 3ème session izao, hoy isika, ka ny lohahevitra sady tanjona no toe-panahy manentana antsika dia ny hoe FIANAKAVIANA EGLIZY KELY MIFAMPITSIMBINA MIFANASOA MIKATSAKA NY SOA IOMBONANA. Azo lazaina fa sady fanohizana no fivelomana ny KEN 2024 FIHAVANANA HANASITRANA AN’IZAO TONTOLO IZAO, MPIRAY TAMPO ISIKA JIABY.
Mahavariana ny fandaharany fa ny lohahevitra amin’izao alahady faha-27 izao dia mikasika ny dinika irintsika atao : Olo Araiky Isika Jiaby, fianakaviana iray ny Olombelona, Fratelli Tutti hoy ny Papa François amin’ny Ansiklikany,.....[.....]

Tsindrio eto hihaino ny toriteny

“ Fa izay tsy manohitra antsika dia momba antsika »(Mk. 9: 39)“

Ry Kristianina havana, tamin’ny Alahady lasa teo isika nanantitrantitra ireo toetra fototra lehibe nahatonga an’i Jesoa nanambara fa tsy maintsy manana ny toetry ny zazakely isika eo amin’ny fifandraisantsika andavanandro sy nilazany koa fa izay te ho lehibe aminareo aoka izy ho tahaka ny zazakely ary ho vonona hanompo satria izany no làlana hahafahana miroso lalindalina kokoa amin’ny fiainana sy fiombonana amin’Andriamanitra. Averintsika vetivety ireo toetry ny zazakely tsara ananana : fitokisana an’Andriamanitra, fahatsorana mitondra amin’ny marina mandrakariva ary fahadiovam-po.
Naverintsika ireo satria toetra ahafahantsika MIHAINO izay tena ilaina tokoa amin’izao SINAODY fijanonana faha 3, 3ème session izao satria tsy afaka hifampitsimbina sy hifanasoa ka hikatsaka ny soa iombonana raha tsy mivelona ireo toetra izao.....[......]

Tsindrio eto hihaino ny toriteny

“NY FIALONANA MANDRAVA FITIAVANA, NY FANETREN-TENA AHAVITANA SOA”

Ry kristianina havana malala, araka ny fanantenana natao tamintsika dia ho fivelomana ny vokatry ny KEN 2024 dia tohizantsika amin’izao taona pastoraly manomboka ny SINAODY FIJANONANA FAHA-3 dia ny FIANAKAVIANA EGLIZY KELY MIFANASOA SY MIFAMPITSIMBINA MIKATSAKA NY SOA IOMBONANA. Ho tonga any amintsika tsy ho ela ny torolalana na lineamenta entintsika mikatroka madinika azy. Manantena antsika jiaby hiatrika ny Sinaody.
Fa anisan’ny fivelomanana an’izany koa ny fankalazana aty Anivorano. Feno 70 taonan’ny batemy voalohany teto. Izany indrindra no nodinihin’izy ireo nandritra ny taona : “Nataonao inona ny bateminao?” Miankina amin’ny valintenintsika mitambatra sy isaky fikambanana sy firohotana ary asam-baomiera no hahafantarana fa efa latsa-paka ny finoana. Izany hoe tsy finoana entim-pahazarana intsony fa finoana velona latsa-paka. Isika eto Anivorano no afaka mamaly an’izany ary isika eto amin’ny diosezy ihany koa?.....[.......]

Tsindrio eto hihaino ny toriteny