FANDALINAM-PINOANA / TORITENY

« NOFIDIN’ANDRIAMANITRA ISIKA MBA HIRAHINY”

Ry Kristianina havana, tamin’ny Alahady tsotra faha-14 mandavantaona lasa teo isika nibanjina an’i Jesoa teo anivon’ny mpiray tanindrazana aminy kanefa tsy nahay nandray azy izy ireo na dia nitolagaga aza tamin’ny fahaizany niteny ka nahatonga an’i Kristy nanambara fa tsy misy mpaminany tsy henin-kaja afa-tsy amin’ny taniny sy ny fianakaviany ihany. Araka ny voalazan’ny Evanjely ao amin’i Md Marka dia tsy nanao famantarana firy i Jesoa tamin’ny tanindrazany. Izany zava-niseho tamin’i Jesoa izany dia mety mitranga koa amin’ny fiainantsika andavanandro ka mahatonga antsika madini-tena fa na dia maro aza ny fanenjehana sy fanaratsiana dia tsy maintsy mijoro ho vavolombelona isika, mijoro ho EOV fa indrindra amin’izao andro sarotra diavintsika izao, na dia amin’izao fiomanana akaiky amin’ny KEN 2024 izao aza dia mety misy fanenjehena sy fanaratsiana na mivantana na an-kolaka.........[.......

Tsindrio eto hihaino ny toriteny

« NA OSA AZA ISIKA EO I KRISTY HO HERINTSIKA… »

 
Ry Kristianina havana mitohy hatrany ny fiarahan-diantsika miroso amin’ny KEN ary miditra amin’ny fanjavan’ny saserdotaly isika…
Aoka hanararaotra izao fotoana izao isika hanao vavaka totoafo mba ho vanim-potoam-pahasoavana ho antsika satria sambatra isika fa
tonga hamangy antsika Andriamanitra. Raha ny Evanjely tamin’ny Alahady lasa teo no jerena dia maro ireo olona natoky sy nino an'i Jesoa ho Andriamanitra, ka nahazo fanasitranana sy fahasoavana tamin'ny fanahy amam-batana. Matokisa hatrany isika fa na dia mila ho rendrika aza isika « na osa sy malemy aza isika fa raha eo anivontsika i Jesoa dia Izy no herintsika ». Izany no foto-kevitra amin’izao Alahady faha-14 mandavantaona izao.  Matetika diso fomba fijery isika. Matetika tokoa isika no mila an’Andriamanitra fa indrindra rehefa tojo fahasahiranana. Raha ny marina Andriamanitra no mila antsika. Izany hoe mila antsika mino azy Izy mba ahafahana manatantanteraka amin’ny alalantsika ny sitrapony ary tokana ny sitrapony dia isika ho voavonjy, ho sambatra .....[.......]

 Tsindrio eto hihaino ny toriteny

« Anaka, ny finoanao no nahavonjy anao ; mandehana amim-piadanana » (Mk. 5: 34)

Ry Kristianina havana, mamarana an’ity volana Jiona volan’ny Fo Masin’I Jesoa, Mpiaron’ny diosezintsika isika, ary tamin’ny alarobia teo nankalaza ny fetim-pirenentsika, ny faha-64 taonany. Anio ihany koa isika mamarana ny volan’ny teny malagasy manambara ny maha izy azy ny firenena anankiray ary sambatra isika na dia eo aza ny fahasamihafana amin’ny fivolagnana dia afaka mifankahazo tsara isika eto amin’ny Nosy. Tsy hadinoko fa izao ihany koa isika no manakatona ny volan’ny tsaiky. Mazava ho azy ny volana no mikatona fa ny tsaiky, ny ankizy tsy hoe ho avin’ny firenena sy ny Eglizy fotsiny fa aina mamelona azy satria ny niany ny ho avy fa tsy amaray… Feno fanantenana isika miomana amin’ny Kongresy Eokaristika Nasionaly KEN 2024. Entintsika ambavaka manokana ity firenentsika ity mba haninteraka amin’ny fiainantsika tokoa ilay soatoavina imatimatesana izay zary teny fanevan’ny KEN 2024 : FIHAVANANA HANASITRANA AN’IZAO TONTOLO IZAO …MPIRAY TAMPO ISIKA JIABY KA MIFAMPITSIMBINA MIFANASAO MIKATSAKA NY SOA IOMBONANA ANTOKY NY FANDROSOAN’NY OLONA MANONTOLO SY NY OLON-DREHETRA…...[.......]

Tsindrio eto hihaona ny toriteny 

« Ny Fanjakan’ny lanitra dia tahaka ny lehilahy anankiray mamafy voa amin’ny tany » (Mk. 4: 26)

Ry Kristianina havana, araky ny efa fantatsika dia ny Alahady fankalazana ny Trinite Masina no namaranantsika ny fankalazana ny Paka na dia tamin’ny Pantekoty aza no tena 5O andro izay dikan’ny hoe Pantekoty. Noho ny Katedraly ambany fiarovan’ny Fo Masin’I Jesoa izany hoe ny diosezy ihany koa dia nankalaza ny Fo Masin’I Jesoa isika tamin’ny alahady lasa teo. Fa ny Eglizy hafa kosa nankalaza ny Alahady faha-10 mandavantaona taorian’ny fankalazana ny Sakramenta Masina. Fantatsika ihany koa fa rehefa miresaka mandavantaona dia midika fandalinam-pinoana miainga amin’ny vakiteny mitohy fa indrindra ny vakiteny faharoa sy ny evanjely. Izany no mahatonga ny resaka Taona A, Taona B, Taona D. Taona B isika ka i Md Marka no Evanjely vakina sy halalinina. Tsara koa ny manamarika fa ny fiverenantsika mankalaza ny Alahady tsotra mandavantaona dia mampahatsiaro antsika fa tsy manam-pahataperana ny fitiavan’i Jesoa satria sady manolotra ny tenany ho ho antsika Izy tamin’ny fijaliany sy ny fahafatesany ary ny fitsanganan-ko velona no mitarika antsika ihany koa ho voavonjy ka mampianatra antsika izay mahakasika ny Fanjakan’ny lanitra.......[........]

Tsindrio eto hihaino ny toriteny

« Miderà an'ny Tompo, miantsoa ny anarany; torio amin'ny firenena ny asany lehibe, ataovy antso avo, fa tafasandratra ny anarany» (IZ. 12: 4)

Ry Kristianina havana, tamin’ny Alahady lasa teo isika no niara-nibanjina fa tsy Andriamanitra lavitra ny Andriamanitsika fa Andriamanitra eo anivontsika. Raha ny marina dia tokony nanao prôsesio isika namakivaky ny tanana sady nanambarantsika ny finoantsika fa tsy Andriamanitra lavitra ny Andriamanitsika fa mpiara-belona amintsika no nitalahoantsika an’Andriamanitra Be Famindram-po handrotsaka ny tsodranony. Dieny izao dia manomana ny fontsika isika hiatrika ny Kongresy Eokaristika Iombonana. Azo lazaina fa fanehoam-pinoana lehibe no hataontsika amin’izany fivahianiana masina hiarahantsika manao izany ka matoky isika fa tsy havelan’Andriamanitra irery isika. Mamelona antsika Andriamanitra amin’ny alalan’ny vatany sy ny ràny anambarany fa be fitiavana tokoa Izy. Izany fankalazana izany koa dia maniraka antsika ho Eokaristia Velona, ho TABERNAKLA VELONA eo anivon’ny mpiara-belona amintsika. Isika izao no Eokaristia tahaka an’i Masina Maria nandeha namangy sy nanompo an’i Elizabeta rahavaviny,......[........]

Tsindrio eto hihaino ny toriteny